Queres preparar unha receita por San Valentín e aínda non te decidiches? Temos o que lle gusta a esa persoa tan especial. Un Rissotto de Cogomelos que será un acerto seguro. Sorpréndeo ou sorpréndea coa mesa posta. Divertídevos cociñándoo xuntos!

Sigue o noso paso a paso para un resultado delicioso e... A gozar da celebración!

Sigue o paso a paso da nosa Receita de San Valentín

Ingredientes para 2 persoas

• 160g de arroz risotto.
• 3 dentes de allo.
• 1 folla de loureiro.
• 1 cebola doce.
• 600ml de caldo de verduras.
• 225g de refogado de setas.
• 25g de manteiga.
• 50g de queixo parmesano.
• 75ml de viño branco.
• Ceboliño.
• Aceite de oliva.
• Pementa negra.
• Sal en escamas.

Paso a paso:

1. Nunha pota co lume apagado, engade a manteiga, o loureiro, os dentes de allo chafados e a cebola picada.

2. Acende o lume no mínimo. Remove e bota sal e pementa.

3. Cando vexas a cebola transparente, engade os cogomelos. Refoga a lume medio/baixo durante uns 5 minutos, ata que estean completamente desconxelados e liberaran parte dos seus zumes.

4. Engade o arroz e un chorriño de aceite de oliva. Remove.

5. Cando o arroz comece a estar transparente, engade o viño branco. Non deixes de remover ata que notes que se evapora o alcohol.

6. Engade o caldo moi quente en pequenas cantidades. Mentres se bota, nunca se debe deixar de remover o arroz.

7. Corrixe de sal, remove e engade caldo ata que o arroz quede al dente e cunha textura cremosa.

8. Engade unha noz de manteiga e o queixo relado. Remove con enerxía ata que todo se mesture ben. Tapa e deixa repousar 5 minutos.

9. Termina o prato con pementa negra acabada de moer, queixo en lascas, ceboliño picado e un chorriño de aceite de oliva.

Outras recomendacións

Se prefires outras receitas románticas, elixe a túa preferida na nosa sección de receitas.