Coñeces o noso Arroz vaporizado? O primeiro que chama a atención é que ao cociñarse non se pasa e sempre queda moi solto. Se buscas un arroz indicado para ensaladas e gornicións, esta é a mellor elección. Tamén se o necesitas para comidas para levar ou para gardar na neveira, xa que mantén a súa textura co tempo e non queda amazocado. Nunca falla!

Queres coñecelo todo sobre o Arroz vaporizado? Contámosche as súas principais características e dámosche un par de receitas para que o goces a tope.

Se buscas información sobre outros tipos de arroces, dispoñemos dunha ampla variedade.

Características do Arroz vaporizado Hacendado

O arroz vaporizado obtense tras someter o arroz con casca a un remollo de 60 ºC, seguido dunha forte presión de vapor que elimina parte do amidón, conservando as vitaminas e os sales minerais que os arroces tradicionais perden durante o seu puído.

Esta técnica, que se realizaba de forma artesanal en rexións como Paquistán, A India e Myanmar, consistía en mollar o arroz en auga e logo quentalo e secalo ao sol, que se descubriu que melloraba a súa conservación.

O arroz vaporizado ofrece unha vantaxe substancial á hora de cociñalo. Como che comentábamos, non se pasa e non se pega; quedan os grans sempre soltos. Como indica o envase do arroz vaporizado Hacendado, se antes de terminar a cocción ves que lle falta caldo ou que o arroz non está no seu punto, sempre podes engadir máis auga sen problema e incluso deixalo cocer todo o tempo que necesites ata que se consuma o caldo.

Ademais, o arroz vaporizado non absorbe tantas graxas como o arroz normal debido á redución de parte do amidón, isto convérteo nun arroz máis saudable. Ten o mesmo valor nutritivo e a mesma cor dourada que o arroz integral, e favorecen ambos a función dixestiva.

2 receitas con Arroz vaporizado Hacendado

Arroz con tomate, mozzarella e pesto (para 4 persoas)

1. Rustre en aceite de oliva 120 g de cebola conxelada e 20 g de allo conxelado ata que adquiran un lixeiro ton dourado.

2. Engade 1 lata de tomate cortado en anacos e 3 culleradas de tomate frito. Continúa rustrindo.

3. Agrega 700 ml de auga e pon a mestura a ferver.

4. Incorpora 300 g de arroz vaporizado e cociña durante uns 15 minutos ata que quede cocido.

5. Pasado este tempo, quítao do lume e engade 50 g de manteiga, 60 g de queixo grana padano relado segundo vos guste e medio bote de tomates secos picados. Mestúrao todo ben e sazónao con sal e pementa.

6. Acompáñao de 2 mozzarellas di bufala en rodas e coloca por enriba 6 culleradas de salsa pesto. Listo para servir!

Cunco de arroz con aguacate e ovo (para 4 persoas)

1. Ferve abundante auga nunha pota e engade sal. Cociña 200 g de arroz vaporizado durante, aproximadamente, 15 minutos ata que estea cocido. Unha vez cocido, enxáugao con auga fría e cóao.

2. Nun recipiente grande, mestura o arroz con 1 lata de millo e 2 tomates picados. Adereza con 3 culleradas de salsa de soia e pementa segundo vos guste.

3. Cociña 4 ovos á prancha nunha tixola cun pouco aceite e salpeméntaos.

4. Bota o arroz nun cunco, pela 2 aguacates e quítalles o óso, córtaos en rodas e colócaos sobre o arroz. Adereza cun pouco limón, sal, pementa e un chorriño de aceite de oliva.

5. Agrega unhas rodas de ravos segundo vos guste.

6. Coloca os ovos sobre a mestura e esparexe con sementes de sésamo e coandro antes de servir.

Outras recomendacións

Aquí tes 13 receitas para as túas ceas equilibradas. Algunhas delas pódelas preparar con arroz vaporizado. Consúltaas.

Gústanche os Dátiles? Dámosche 6 receitas.

Descubre todos os sabores das nosas Salsas para dipear.