Cal é o teu arroz favorito? Longo, basmati, integral...? Imos mergullarnos na riqueza e diversidade dun dos alimentos máis versátiles e apreciados no mundo: o arroz, coa ampla variedade que che ofrecemos en Mercadona.
Temos opcións que satisfán todos os padais, adecuadas para os pratos máis heteroxéneos: dende os máis tradicionais ata preparacións máis innovadoras, o arroz é un ingrediente versátil que se adapta a calquera receita que te propoñas. Suxerímosche unha por cada tipo de arroz. Apúntaste?
Unha receita con cada un dos nosos arroces
Arroz longo
Cociña con arroz longo, unha opción lixeira e versátil. É o arroz máis consumido en todo o mundo. Tras a súa cocción, ofrece unha textura solta e consistente, moi apetecible. Sírveo como gornición, en ensaladas refrescantes ou en receitas de cociña internacional. Atrévete a experimentar, hai moitas posibilidades!
Arroz longo estilo Pilaf (para 2 persoas)
1. Lava 1 vaso de arroz longo ata que a auga saia limpa.
2. Corta 2 costeletas de cordeiro en pequenos cadradiños, sazona con sal e pementa e esparexe por enriba un toque de canela e comiño.
3. Prepara unha cazola cun pouco aceite, engade 2 dentes de allo machucados e, a continuación, incorpora a carne para dourar.
4. Rela 1 cebola e 3 cenorias e agrégaas á cazola. Cando estean rustridas, engade 50 g de manteiga e, unha vez que estea todo cocido, 60 g de pasas segundo vos guste e 1 gran de cravo.
5. Engade o arroz enxaugado e mestura ben. Bota 500 ml de caldo de polo ben quente e deixa que ferva. Cociña a lume intenso durante 10 minutos. Cando case todo o caldo se evaporase, tapa e reduce o lume ao mínimo. Cociña 5 minutos máis, apaga o lume e deixa que repouse.
6. Sirve no prato e esparexe cunhas follas de hortelá ou menta picada. Listo para gozar!
Arroz redondo
O arroz redondo é popular pola súa excelente capacidade de absorción e transmisión de sabores. Bríndache unha textura cremosa, perfecta para pratos tradicionais, así como para receitas que requiren intensificar o sabor dos seus ingredientes. A súa versatilidade convérteo no acompañamento ideal para unha ampla variedade de preparacións culinarias, dende clásicos caseiros ata pratos máis elaborados. A ti como che gusta máis?
Arroz con leite (para 4 persoas)
1. Pon a ferver 3 l de leite. Corta a codia dun limón e engádea con 1 rama de canela, 2 gotas de aroma de vainilla e un pouco sal.
2. Incorpora 150 g de arroz redondo ao leite quente e remove suavemente durante 30 minutos de forma continuada.
3. Engade 125 g de manteiga e continúa removendo durante outros 40 minutos a lume moi baixo.
4. Aumenta lixeiramente o lume e engade 300 g de azucre.
5. Divide o arroz en recipientes individuais e deixa que arrefríe a temperatura ambiente.
6. Decora esparexendo lixeiramente con canela en po antes de servir.
Arroz vaporizado
Un arroz que non se pasa e non se pega, nunca queda amazocado. Os grans quedan soltos e ofrece unha excelente conservación, polo que resulta perfecto para ensaladas, gornicións e comidas para levar ou gardar. Ademais, ao reducir parte do amidón, non absorbe tantas graxas.
Queres coñecer dúas receitas con Arroz vaporizado?
Arroz basmati
Este arroz é unha xoia culinaria coñecida polo seu carácter aromático e os seus finos grans extralongos. Unha opción exquisita tanto para consumir só como para acompañar diferentes pratos. Ademais de ser unha excelente gornición, funciona de marabilla en ensaladas e receitas de cociña oriental.
Polo tikka masala con arroz basmati (para 2 persoas)
1. Corta unha peituga de polo en tiras, sazona con sal e pementa, e refoga nunha tixola cun pouco aceite.
2. Unha vez que as tiras de polo estean case cociñadas, engade 1 paquete de salsa tikka masala e deixa ferver durante 5 minutos.
3. Ferve 250 g de arroz basmati en abundante auga salgada durante 10 minutos e escórreo.
4. Sirve o polo co arroz. Como idea opcional, se o desexas, podes esparexer con coandro fresco picado.
Arroz integral
Co seu abundante contido en fibra, o arroz integral é unha opción máis saciante, xa que se dixire máis lentamente que o arroz branco. Aprende a incorporar este versátil ingrediente nos teus pratos favoritos.
Ensalada de arroz integral con queixo feta (para 2 persoas)
1. Ferve 200 g de arroz integral en abundante auga. Unha vez cocido, escórreo e sécao rapidamente (uns 35 minutos de cocción).
2. Nun recipiente adecuado, mestura o arroz con 25 g de eiruga e 10 tomates cereixa cortados pola metade.
3. Engade un cuarto de cebola morada cortada á xuliana fina, 1 cogombro cortado en cubiños, 3 culleradas de olivas negras partidas a rodas, 75 g de queixo feta e un toque de hortelá ou menta.
4. Sazona con sal e pementa segundo vos guste, e aldereza con aceite de oliva.
Que outros tipos de arroz podes encontrar en Mercadona?
Para eses días que vas con présa ou se buscas unha maior comodidade nas túas preparacións, poñemos á túa disposición outras opcións de arroz practicamente listas para comer. Só quentar na tixola ou no microondas e listo!
- Vasiño de arroz branco cocido
- Vasiño de arroz basmati
- Vasiño de arroz integral
- Arroz precocido ultraconxelado. Presentado en 6 cómodos paquetiños individuais, para dosificar a cantidade que necesites en cada momento.
E se buscas outras alternativas ao arroz, proba este Vasiño de quinoa branca e vermella.
Algúns consellos para a elaboración do arroz
Con miles de variedades dispoñibles, o arroz ofrece unha ampla gama de sabores, texturas e cores. Ademais da súa diversidade culinaria, o arroz é unha excelente fonte de enerxía, xa que proporciona carbohidratos complexos esenciais para unha dieta equilibrada.
Cal é a proporción correcta entre arroz e auga?
Esta é unha das dúbidas típicas do cociñeiro de arroz inexperto. Á hora de preparar un arroz, a proporción de auga é clave para obter resultados óptimos, aínda que pode variar segundo o tipo de arroz e as preferencias persoais. Como regra xeral, esta é a recomendación:
Se falamos de métodos de cocción, é conveniente saber que o arroz pode prepararse de varias formas, ben sexa fervido, ao vapor ou nunha pota arroceira. Cada método inflúe na textura e no sabor do arroz, brindando opcións para adaptarse a diferentes gustos e receitas.
Se falamos de métodos de cocción, é conveniente saber que o arroz pode prepararse de varias formas, ben sexa fervido, ao vapor ou nunha pota arroceira. Cada método inflúe na textura e no sabor do arroz, brindando opcións para adaptarse a diferentes gustos e receitas.
Outras recomendacións
Anímaste a preparar esta Paella de carne e verduras? Utiliza arroz redondo, sigue as nosas indicacións e sairá deliciosa.
Coñeces o Tabulé oriental de Mercadona? Está moi rico e non necesitas quentalo.
Coas nosas Sementes podes enriquecer os teus pratos do día a día. Sésamo, liño, chía... Próbaas!