Kalitate goreneko esperientzia gastronomikoa izango duzu gure Dipeatzeko saltsekin, ezin hobeak baitira etxean hain gustuko dituzuen afari dibertigarri horietarako. Gainera, saltsa ugari dituzu aukeran.
Ezagut itzazu zapore guztiak, bai klasikoenak, bai berritzaileenak. Harrituta utziko zaituzte, eta zure festa eta topaketak ahaztezin bilakatu dituzte. Jango zenituzke barazki freskoen hagatxo batzuk guakamolearekin? Nahiago dituzu Tsatsikiarekin?
Zapore bikaineko saltsa-aukera zabala daukagu zuretzat, gogokoen dituzun snackekin dipeatzeko eta konpainia onean partekatzeko. Zein nahiago duzu?
Dipeatzeko zer Saltsa-mota aurkituko duzu Mercadonan?
Gazta-saltsa, joko handia emango dizuna sukaldean
Gustatzen zaizu gazta-zaporea? Eta nori ez! Saltsa hau ezin hobea da zure gari-talotxoen, natxoen eta beste edozein plateren zaporea nabarmentzeko, zapore berezia baitu. Haren testura leun eta krematsua ahoan urtzen da, gaztaren zapore indartsua dasta dezazun.
Aperitiboan dipeatzeko erabiltzea da ohikoena, baina aukera gehiago ditu. Modu askotan erabil dezakezu. Makarroiak gaztarekin edo makarroi gratinatuak presta ditzakezu saltsarekin, baita gazta urtuaren ukitua eman nahi diozun beste edozein errezeta ere. Beraz, saltsa bat baino gehiago da; zure plater gogokoenak esploratzeko eta berritzeko modu bat da.
Saltsa mexikarra, benetako min-ukitua
Saltsa mexikar honen zapore tradizional biziek Mexikora bertara eramango zaituzte. Kontu handiz hautatutako osagaiekin eginda dago (tomateak, tipulak, piperrak eta bereziki hautatutako espeziak), eta zure platerak osatzeko gustuko duzun ukitu min eta benetakoa ematen du.
Primeran dator natxo gozo batzuekin dipeatzeko, baina nork utz ditzake jan gabe saltsa mexikar honekin lagundutako tako, burrito eta quesadilla eder batzuk? Mokadu bakoitzaren ezinbesteko osagarria!
Baina ez hori bakarrik. Nahasi duzu behin edo behin koilarakada handi bat saltsa mexikar zure guakamolearekin haren zaporea indartzeko? Badakizu beste krema batzuekin konbinatuta ongailu paregabe eta zaporetsuak sor ditzakezula?
Mexikoko sukaldearen muina gordetzen du saltsa honen tanta bakoitzak. Gainera, ez du koloratzaile eta kontserbagarri artifizialik. Eman ukitu mexikar bat zure platerei, eta goza ezazu zapore guztiaz!
Hummus klasikoa, gustuko duzun ekialdeko zaporea
Probatu duzu gure Hummus klasikoa? Zeren zain zaude? Saltsa ezagunenetako bat da dip guztien artean, haren zapore exotiko eta tentagarriak urruneko tokietara baikaramatza.
Txitxirio egosiak, oliba-olioa, tahinia, espezia hautatuak eta beste osagai batzuk nahasita egiten da ekialdeko espezialitate hau. Modu horretan lortzen da hummusaren zapore paregabea eta testura leun eta krematsua. Bikaina da dipeatzeko eta ogietan, txigorkietan, galletetan eta crackerretan igurzteko. Gainera, ezin hobea da gustukoen dituzun barazki gordinekin batera jateko: azenarioekin, luzokerrekin, piperrekin eta beste askorekin. Izan ere, hummusa aitzakia ona da zure elikaduran barazkiak sartzeko.
Zure wrap eta entsaladen zaporea eta nutrizio-balioa areagotu nahi duzu? Jar iezaiezu hummus pixka bat. Aukera osasungarria da, txitxirioak landare-proteinatan eta zuntzetan aberatsak baitira.
Baina oraindik ez dizugu eman gure aukera zabalaren berri. Mercadonan 3 hummus-mota dituzu, gogokoena hautatzeko edo txandakatzen joan zaitezen: klasikoa, Kalamatako olibaduna eta pikillo piper erreduna.
Tsatsikia, Greziako sukaldaritzako altxorra
Ezagutzen duzu Mercadonako Tsatsikia? Dasta ezazu saltsa greziar hau. Aukera ugari ematen ditu, ongi konbinatzen baita mota askotako platerekin. Jogurt grekoa, luzokerra eta mendafina dira tsatsikiaren osagai nagusiak, eta oliba-olioa eta espeziak ere baitu. Zapore eta aroma freskagarrien konbinazio paregabea.
Jogurt grekoa da saltsa honen osagai garrantzitsuena, eta gainerako osagaiek ñabardurak gehitzen dituzte. Testura krematsua dauka eta zuria da, luzokerraren ukitu berdeekin apaindua. Aproposa da zure barazki gordin gogokoenekin dipeatzeko, pita-ogian zabaltzeko edota parrillan prestatutako arrain eta haragiekin batera zerbitzatzeko.
Eta hori guztia gutxi balitz bezala, dieta mediterraneoaren onura guztiak aprobetxatzeko aukera nutritiboa da: jogurt grekoa proteina- eta kaltzio-iturri bikaina da, eta luzokerrak bitamina eta mineralak ditu.
Gainera, ez duenez glutenik, egokia da zeliako eta begetarianoentzat. Jateko prest dago; hozkailuan gorde baino ez duzu egin behar.
Guakamolea: % 95 ahuakate freskoa
Ahuakate heldua, jalapeñoak, martorria eta tipula ditu Mexikoko saltsa honek, eta Mercadonako klasiko handietako bat da. Gure Guakamoleak ahuakate fresko ugari du (% 95!). Beraz, aberatsa da gantz osasungarritan, zuntzetan eta bitamina eta mineraletan; aukera nutritiboa eta gozo-gozoa da.
Natxoekin primeran geratzen da, baina beste modu askotan ere presta dezakezu guakamolea: barazki gordinekin dipeatzeko, arrautzen betegarri gisa, wrap, tako eta burritoekin batera jateko, entsalada eta sandwichei ukitu berezia emateko edota zure hanburgesaren topping gisa. Nola gustatzen zaizu gehien guakamolea?
Camembert krema, Frantziako gastronomiako klasikoa
Gazta-krema sofistikatu, leun eta krematsu honek arrakasta lortu du mundu guztian, zapore eta testura paregabeak baititu. Normandian du jatorria (Frantzia).
Baserriko picoekin dipeatzea gomendatzen dizugu, baina nahi duzun modu guztietan jan dezakezu. Ogi kurruskariaren gainean zabaldu dezakezu, edota glutentik gabeko picoekin, regañá batzuekin edo barazki fresko gordinekin dipea dezakezu. Ongailu bikaina da, halaber, haragi erreentzat eta parrillan egindako barazkientzat, eta gourmet ukitua emango die zure hanburgesei.
Beste gomendio batzuk
Labean egindako ogi-makilatxoak aproposak dira saltsa horiekin guztiekin dipeatzeko. Probatu itzazu!
Saltsen zale amorratua bazara, ideiak emango dizkizugu sukaldean Cocktail Saltsa, ekialdeko Saltsak eta Saltsa bereziak erabiltzeko. Alaitu zure errezetak!