Hondakinak modu arduratsuan kudeatzeko duen konpromisoarekin jarraitzen du Mercadonak; bide horretan, besteak beste, plastikoaren erabilera murriztea eta Mercadona markako ontzien jasangarritasuna hobetzea lortu nahi du.

6.25 Estrategiaren 3. Ekintzaren barruan, bere markako ontzien plastiko-kantitatea murrizten inplikatuta jarraitzen du konpainiak.

Helburu horretan laguntzeko, Mercadonak, bere Hornitzailearekin batera, txikle hauen potoak birdiseinatu ditu tamaina murrizteko: Mendafin, Menda, Marrubi eta Menda Freskozko % 100 Xilitolezkoak.

Ondorioz, potoak fabrikatzeko plastiko eta kartoi gutxiago erabiltzen da orain, eta optimizatu egiten da logistika, espazioa hobeto aprobetxatuz.

Hori lortzeko neurri nagusia izan da potoaren diametroa txikitzea; horrela, murriztu egin da potoek barruan zuten aire-kantitatea, eta hobeto aprobetxatzen da garraio-paleta, hutsuneak saihestuz.

Gainera, ontzia % 100 birziklagarria da orain.

Potoan plastiko-kantitatea murriztea

• % 15 murriztu da ontziko plastiko-kantitate totala; horrek esan nahi du urtean 30 tona plastiko gutxiago erabiliko dela.
• Potoetan lehengo txikle-kopuru bera dago (70 ale).

Etiketaren birziklagarritasuna, ontzi % 100 birziklagarria

• Lehengo itsasgarriaren ordez, potoaren material bereko beste bat erabiltzen hasi da konpainia; horrela, potoa oso-osorik birzikla daiteke, edukiontzi horira botata.

Logistika optimizatu da

• Potoaren diametroa murriztuta, % 30 murriztu da poto-kopuru bera garraiatzeko behar den espazioa, horrek ingurumenerako duen onurarekin.

Mugimendu hau lehendik abian jarritako beste batzuen bide beretik doa; hala nola lurrindegiko eta kosmetikako produktuetan birkargak egitearen aldeko apustua, pizza hotzetarako ontzietan plastiko birziklatua erabiltzea eta poltsa berrerabilgarri eta jasangarriak garatzea.

Ingurumen-jasangarritasuna, Mercadonaren Erantzukizun Sozialeko Planaren ildo estrategikoa

Mercadonaren Erantzukizun Sozialeko Planak hazkunde partekatuaren eta gizartearekiko konpromisoaren aldeko apustua egiten du, osagai sozialari eta etikoari erantzunez, jarduera-ildo jasangarriak erabilita. Ildo horretan, nabarmentzekoa da lankidetzan jarduten duela Espainia eta Portugalgo 350 jantoki sozialekin baino gehiagorekin, 60 elikagai-bankurekin eta beste erakunde sozial batzuekin. 2021ean, % 21 areagotu zuen konpainiak erakunde eta elkarte horiei guztiei ematen dizkien dohaintzak; horrela, 20.600 tona elikagai eman zuen guztira.

Era berean, Ingurumen Kudeaketako Sistema propioa du Mercadonak, Ekonomia Zirkularraren printzipioetan oinarritua. Energia-eraginkortasuna lortzera, hondakinak modu arduratsuan kudeatzera, ekoizpen jasangarrira, logistika optimizatzera eta plastikoak murriztera bideratuta dago.

2011. urteaz geroztik, funtsezko balioak defendatzeko Nazio Batuen Mundu Ituneko bazkide da Mercadona; balio horiek Giza Eskubideen, Laneko Arauen, Ingurumenaren eta Ustelkeriaren aurkako Borrokaren ingurukoak dira.