Aprende a preparar a nosa receita de Cabala encebolada, ideal para a túa dieta equilibrada.

Receita de Cabala encebolada

21 de marzo de 2023

Xa é tempada de cabala, gústache? Este peixe azul é ideal para a túa cesta equilibrada, rico en vitamina A, vitaminas do grupo B, vitamina D e vitamina E. Ademais, é fonte de ácidos poliinsaturados, pero sobre todo destaca pola súa alta achega de Omega 3, unha das máis elevadas nun peixe azul.

Aproveita que é a tempada e incorpóraa ao teu menú, para gozar de todas as súas propiedades, sabor e frescura.

Queres aprender a preparar unha estupenda Receita de cabala encebolada? Esta preparación require poucos ingredientes, menos é máis! Non leva moita elaboración na cociña, é fácil e podes tela lista en media hora. Ademais, é absolutamente deliciosa.

Sigue o paso a paso da nosa Receita de Cabala encebolada

Ingredientes para 2 persoas

  • 2 cabalas sen espiñas e en lombos.
  • 2 cebolas.
  • 1 cenoria.
  • Aceite de oliva.
  • 1 folla de loureiro.
  • Allo laminado.
  • Un chorriño de viño branco.
  • Sal.

Paso a paso:

1. Corta a cebola e a cenoria á xuliana. Nunha tixola cun fío de aceite de oliva refoga as verduras.

Paso 1 de la Receta de Caballa encebollada: cortar la cebolla y la zanahoria en juliana

2. Engade o loureiro, o allo laminado e pon ao punto de sal.

Paso 2 de la Receta de Caballa encebollada: añadir laurel, ajo y sal.

3. Coas verduras ben refogadas, engade viño branco e deixa que ferva. Cociña un par de minutos para que evapore o alcohol.

Paso 3 de la Receta de Caballa encebollada: añadir vino blanco a las verduras rehogadas

4. Coloca enriba da cebola e da cenoria os lombos de cabala pola parte da pel e deixa cocer lentamente, uns 10 minutos, ata que o peixe estea no seu punto.

Paso 4 de la Receta de Caballa encebollada: cocer lentamente la caballa encima de la cebolla y zanahoria

5. Sirve coas verduras.

Paso 5 de la Receta de Caballa encebollada: emplatar con las verduras

Outras recomendacións

Dispoñemos de 5 tipos diferentes de cebola, ingrediente imprescindible para este guiso.

Sirve unha boa sobremesa, lembra que tamén é tempada de amorodos grandes. Suxerímosche mesturalos con xeado de vainilla nesta sinxela receita.

Se che gustan os pratos de peixe, descubre estas exquisitas receitas con peixe prago.