A froita do verán é un regalo incomparable da natureza. Nesta época do ano as froitas alcanzan o seu máximo esplendor: zumarentas sandías, doces amorodos, refrescantes pexegos... as opcións son moi variadas e deliciosas.

Acompáñanos neste repaso das froitas de tempada máis irresistibles que podes encontrar en Mercadona, descubre os seus beneficios e como sacarlles o máximo proveito. Únete a este festival estival da froita en Mercadona!

Todos os beneficios de consumir froitas de tempada no verán

Frescura e sabor óptimos: as froitas de tempada recóllense no seu punto óptimo de madurez, isto garante que sexan moi frescas e saborosas.

Gran valor nutricional: as froitas de tempada son moi nutritivas porque creceron no seu ámbito natural e foron cultivadas nas mellores condicións. Isto significa que están cargadas de vitaminas, minerais e antioxidantes que axudan a fortalecer o sistema inmunolóxico e protexer o corpo de enfermidades. Ademais, ao consumilas no seu momento óptimo aproveitas mellor todos os seus beneficios.

Variedade na dieta: incorporar unha ampla variedade de froitas de tempada na túa dieta permíteche gozar de diferentes sabores, texturas e cores, que contribúe a unha alimentación máis equilibrada.

Hidratación natural: moitas froitas do verán, como as sandías, os melóns e os amorodos teñen un elevado contido de auga, que che axuda a manter o corpo hidratado e previr a deshidratación nos días máis calorosos.

Se, á parte de consumilas soas, che gusta preparar pratos refrescantes con estas froitas, suxerímosche un delicioso Gaspacho de amorodos, un Gaspacho de Sandía con limón e xenxibre ou unha Receita de amorodos con xeado de vainilla. Receitas máis estivais, imposible!

Refrescantes: o sabor refrescante e zumarento das froitas do verán é a elección perfecta para combater a calor e satisfacer un capricho doce de forma saudable. Ademais, o seu alto contido en fibra axuda a manter a sensación de saciedade durante máis tempo.

Baixas en calorías: moitas froitas do verán son naturalmente baixas en calorías e graxas, polo que representan unha opción ideal para aqueles que queren manter un peso saudable.

Que froitas do verán podes encontrar en xuño?

Destacamos algunha das principais características que teñen as froitas que podes encontrar en Mercadona durante o mes de xuño.

Pexego amarelo: de cor vibrante e sabor doce, o pexego amarelo é una fonte de vitamina C.

Nectarina: moi refrescante e zumarenta, de baixo contido calórico, é rica en antioxidantes e vitaminas.

Cereixas: ricas en vitamina C, compostos antioxidantes e antiinflamatorios. Consulta estas 3 receitas con cereixas para este verán.

Paraguaio: outra delicia do verán que che proporciona vitamina C e outras do grupo B, entre outras cousas.

Ameixa vermella: zumarenta e chea de sabor, de grande achega vitamínica e rica en fibra.

Sandía: co seu alto contido en auga, a sandía é unha opción especialmente refrescante para manter a hidratación durante o verán. Ademais, é baixa en calorías e rica en vitaminas.

Amorodos: estas pequenas froitas doces e saborosas son unha excelente fonte de vitamina C, fibra e antioxidantes.

Albaricoque: carnoso e de cor alaranxada brillante, o albaricoque é unha fonte de vitamina A.

Melón: refrescante e doce, destaca polo seu alto contido en auga, vitaminas, fibra, minerais e antioxidantes.

Béveras: son una magnífica fonte de fibra e potasio. Hai que destacar o seu sabor único, a súa textura suave e o seu gran poder saciante e laxante.

Melón Galia: doce e aromático, é rico en vitamina C e potasio.

Que froitas do verán podes encontrar en xullo?

Descubre algunhas das propiedades que teñen as froitas que podes encontrar en Mercadona durante o mes de xullo. Destacámosche as que empezan neste mes:

Ameixa amarela: esta variedade de ameixa distínguese pola súa dozura equilibrada e textura zumarenta. Con alto contido en antioxidantes e fibra, favorece a saúde cardiovascular e dixestiva.

Uva sen semente (branca, vermella e negra): outra froita carnosa e rica en antioxidantes, vitaminas e minerais con boa achega de fibra. Coñece máis detalles sobre as uvas.

Que froitas do verán podes encontrar en agosto?

Resumimos algunhas das propiedades das froitas que podes encontrar en Mercadona a partir do mes de agosto.

Ameixa Claudia: unha froita doce de carne zumarenta, rica en antioxidantes, vitaminas e fibra.

Figos: de pel suave e carne doce e melosa, os figos son unha froita deliciosa e nutritiva. Ricos en fibra e antioxidantes, con alto contido en calcio e magnesio. Dámosche varias ideas de consumo con figos. Non esquezas incluílos na túa cesta equilibrada.

Outras recomendacións

A Froita de peto é un recurso 100 % froita para todas as idades ao que podes recorrer en calquera momento. Fácil de transportar e con 5 sabores diferentes.

Estes orixinais Cubiños de xeo de cogombro, de manga, e de limón e menta ou hortelá perfectos para refrescarte este verán.