Familiarekin edo lagunekin biltzea oilasko- eta untxi-paella bat jateko berezia da beti, baina osagaiak egoki nahastu behar dira, bikain gera dadin.
Pausoz pauso azalduko dizugu haragi-paella goxo bat nola prestatu oilasko eta untxiarekin. Gomendatuko dizkizugun barazki denak aprobetxatuko ditugu, bai eta, batez ere, Mercadonako haragi-paellarako salda frijitukia ere. Denok mahaira!
Jarraitu hemen paellarako saldarekin eginiko haragi- eta barazki-paellaren errezeta:
4 pertsonarako osagaiak:
- Oilasko erdia zatituta
- Untxi erdia zatituta
- 1 brik haragi-paellarako salda frijitukia
- Ale biribileko 400 g arroz
- 300 g leka
- 150 g limako babarrun izoztua
- 1 edo 2 alkatxofa
- Oliba-olioa
- Gatza
Pausoz pauso:
Jarraitu pausoz pauso errezeta zaporetsu hori, Mercadonako paellarako saldarekin haragi- eta barazki-paella bat prestatzen ikasteko.
1. Bota olioa paella-ontzian.
2. Gorritu zatitutako oilaskoa eta untxia bost eta hamar minutu artean.
3. Gehitu lekak.
4. Arin frijitu dena elkarrekin 15-20 minutuz su ertainean eta gehitu gatza.
5. Isuri haragi-paellarako salda frijitukia eta handitu suaren indarra.
6. Itxaron irakin arte.
7. Gehitu 400 g arroz (100 g pertsona bakoitzeko).
8. Gehitu alkatxofak laurdenetan zatituta.
9. Bai eta limako babarruna ere.
10. Eragin denari eta nahastu, osagaiak paella-ontzian sakabanatu daitezen.
11. Mantendu irakite-puntua bizi 10 minutuz gutxi gorabehera eta beste 5 minutuz su ertainean. Ez gehiago eragin.
12. Utzi jalkitzen minutu batzuez eta zerbitzatu plateretan edo jan paella-ontzitik.
Mahaikideei Mercadonako paellarako saldarekin eginiko haragi-paellaren errezeta hori zerbitzatzen diezunean, haien guztien platerik gustukoena bihurtuko da.
Beste gomendio batzuk
Paella prestatu bitartean, zure gonbidatuekin batera jan ditzakezu udako aperitiboak: askotariko snackak, fruitu lehorrak eta partekatzeko beste elikagai batzuk.
Paella zaporetsua amaitzean, postre fresko eta arina hartu nahiko duzue, adibidez, Mercadonako izozki berriak: Mini Nocciola eta Kakao-gailetadun Esne-gainezko Kono Ertaina.
