Gazta gustatzen zaizu baina laktosarekiko intolerantzia daukazu? Mercadonan iruditzen zaigu inork ere ez diola uko egin behar antzinako elikagai goxo honi eta haren tradizioari.

Horregatik, laktosarik gabeko gure gazta-aukera aurkezten dizugu. Leun eta krematsuak edo bizi-biziak: sukaldaritzako altxorretako bat da gazta, zapore paregabeak eskaintzen dizkiguna barietate guztietan. Zein duzu gustukoena?

Laktosarik gabeko zer gazta-familia aurkitu ditzakezu Mercadonan?

Gazta freskoak eta zatikako gaztatxoak

• Laktosarik gabeko gazta freskoa, Burgoskoaren motakoa: behi-esnearekin egina. Esne-zaporekoa eta testura krematsu eta trinkokoa da, ezin hobea plater-mota ugaritan erabiltzeko. 250 g-ko formatuan datorrenez, aukera aproposa da egunero kontsumitzeko.
• Laktosarik gabeko gazta freskoa: behi-esnearekin egina. Elikagai proteinatan eta kaltziotan aberatsa da (nutriente esentzialak), eta D bitaminaren iturri ere bada.Aukera nutritibo eta osasungarria da zure dieta orekaturako. 250 g-ko formatuan dator, ontzi praktiko eta erabilerrazean, gazta fresko eta egoera onean denbora gehiagoan mantentzeko.
• Laktosarik gabeko zatikako gaztatxoak: behi-esne pasteurizatuarekin egina. Zaporea eta testura erabat mantentzen ditu. Proteinatan eta kaltziotan aberatsa da. Ezin hobea aperitiboan eta merienda osasungarrietan.

Gazta erdiondua eta xerratan

• Laktosarik gabeko gazta erdiondua: behi-esnearekin egina. Kalitate onekoa eta zaporetsua da. 3 eta 6 hilabete artean ontzen da, zapore bizia eta testura sendoa eta trinkoa lortzeko. Bikaina da familiarekin eta lagunekin partekatzeko, eta eguneko edozein unetan jateko. Hutsean datorrenez, gazta denbora gehiagoan mantentzen da fresko eta egoera onean.
• Laktosarik gabeko gazta xerratan: haren zapore leun eta krematsuari esker, egokia da sandwichetan, ogitartekoetan, pizzetan, entsaladetan eta beste plater batzuetan erabiltzeko. Gazta hau oso erraza da erabiltzen, eta xerratan ebakita dago. Beraz, aukera bikaina da beren platerak aberasteko modu bizkor eta erraz bat nahi dutenentzat.

Gazta arraspatua eta zabaltzekoa

• Laktosarik gabeko gazta arraspatua: behi-esnearekin egina. Edozein motatako plateretan erabil dezakezu: gratinatzeko, barrubetetzeko, urtzeko, zure tako, zopa eta entsaladei zaporea emateko, etab. 150 g-ko formatuan dator.
• Zabaltzeko gazta, laktosarik gabea: behi-esnearekin egina, gantz ase gutxikoa eta proteinatan aberatsa. Joko handia ematen du gazta honek, mota askotako plateretan erabil baitaiteke: ogitartekoetan, ogi txigortuarekin, saltsetan, dipetan eta entsaladetan, besteak beste. Oso erraz zabaltzen da, eta aproposa da sandwichak prestatzeko. 200 g-ko formatuan dator; hala, aukera bikaina da egunero erabiltzeko gosaritan, hamaiketakoan edo afarian.

Beste gomendio batzuk

Gure glutenik eta laktosarik gabeko picoak aukera bikaina dira laktosarik gabeko zabaltzeko gazta horretan bustitzeko. Probatu nahi?

Laktosarik gabeko errezeten bila bazabiltza, hemen dituzu Edamearekin egiteko hiru errezeta, oso erraz prestatzekoak.

Ezagutu gure 5 tipula-motak eta haiek sukaldean erabiltzeko modu ohikoenak.