AVISO DE COOKIES

Este sitio web utiliza cookies propias e de terceiros coa finalidade de facer que a súa navegación sexa segura, facer análise estatística das visitas á web, así como coñecer o seu comportamento. Se desexa máis información pode consultar a nosa POLÍTICA DE COOKIES. Pode aceptar o uso de cookies pulsando "ACEPTAR" ou Configurar/Rexeitar o seu uso pulsando pulsando "CONFIGURAR/REXEITAR".

Edamame disponible en Mercadona

Edamame, novo snack natural 100% xa dispoñible en Mercadona

18 de novembro de 2016

Xa podes encontrar no teu Mercadona Edamame, un snack saudable, ideal para calquera momento do día e co que darás un toque oriental, exótico e divertido á túa mesa.

“Edamame” é o nome que recibe o prato cociñado das casulas da soia verdes, chegado do afastado Oriente. É un snack que se consome a miúdo nalgúns países asiáticos, como na China e no Xapón.

Como se cociña o Edamame?

Preparar Edamame é moi doado, só tes que introducir as casulas de soia verde sen desconxelar en auga a ferver con sal entre 3 e 5 minutos, escorrer e, listo!

Sírveas como máis che guste, é un prato que admite moita liberdade de preparación. Se queres unha recomendación, aconsellámosche que as acompañes con sal en escamas e sementes de sésamo. Verás que saboroso!

De o preferires, tamén podes darlle un toque picante acompañándoo con pemento ou facelo máis suculento con prebe de soia. Como máis che guste!

Como se come?

Comer Edamame é moi divertido, algo similar a comer as nosas clásicas sementes de xirasol. Abonda con que introduzas a casula na boca, extraias o gran coa axuda dos dentes, e desbotes a casula. Goza de todo o seu sabor!

Edamame, un snack saudable

Trátase dun alimento 100% natural, libre de colesterol e glute, baixo en calorías e que constitúe unha excelente fonte de proteínas, ferro e calcio.

Ademais, o consumo da proteína de soia/edamame, como unha alternativa á proteína animal, axuda a reducir os niveis de colesterol LDL.

Edamame en Mercadona: sabor exótico, puro e san procedente do afastado Oriente, para consumir a calquera hora, como aperitivo, petisco, a media tarde... Non te poderás resistir!

Outras recomendacións

Ousas preparar unha ensalada de Edadame con Quinoa? Bótalle imaxinación, concédete o gusto máis san e goza dunha mestura internacional de sabores.

De preferires outros aperitivos, en Mercadona encontrarás tamén os Aperitivos crocantes Hacendado, Cocktail e Millo Fritido, listos para abrir e saborear sen perder máis tempo.

Outra excelente opción para tomar un aperitivo ou un petisco en calquera momento do día tela nos Snacks de Millo Hacendado, Tiras de Millo sabor Barbacoa e Triángulos de Millo, listos para abrir e consumir en calquera momento, perfectos para mollar no prebe.