Presentámosche unha receita saborosa que podes incluír dende hoxe nas túas comidas. O Solombo de pavo con salsa de laranxa, cabaza e xenxibre é un prato que destaca pola súa orixinal combinación de sabores: a suavidade da carne de pavo contrasta co sabor cítrico da laranxa e o toque oriental do xenxibre.
Unha proposta ideal para o segundo prato do teu xantar, perfecta para prepararte para esta tempada. Deliciosa e cun incrible sabor mediterráneo.
Sigue o vídeo paso a paso da receita de Solombo de pavo con salsa de laranxa, cabaza e xenxibre:
Ingredientes para 2/4 persoas:
- 2 solombos de pavo.
- 1 cuarteirón de laranxa por prato.
- Reladura de pel de laranxa.
- O zume de media laranxa.
- 50 g de cabaza cortada en dadiños por persoa.
- 10-15 g de xenxibre.
- 1 culleradiña de fariña.
- Tomiño.
- Aceite de Oliva.
- Popurrí de pementas.
- Ceboliño.
- Sal.
Paso a paso:
Se queres seguir o proceso paso a paso, aquí tes a elaboración completa desta saborosa receita.
1. Cortar en dados 50 g de cabaza por persoa.
2. Saltear a cabaza.
3. Relar o xenxibre.
4. Espremer o zume de media laranxa.
5. Picar un anaco da pel da laranxa.
6. Facer unha salsa a lume suave co xenxibre, a pel da laranxa e o zume. Engadir unha chisca de sal e 1 culleradiña de fariña.
7. Reducir a salsa a lume suave.
8. Asar os solombos de pavo á prancha.
9. Salpementar e engadir tomiño.
10. Baixar o lume e tapar durante 10 minutos.
11. Empratar decorando cun cuarteirón de laranxa, dados de cabaza e o ceboliño.
Para coñecer máis información sobre a campaña de laranxas españolas de Mercadona, recomendámosche que consultes este artigo.
Outras recomendacións
Descubre a nosa proposta de xornada de Novos Hábitos, que inclúe este e outros pratos equilibrados e deliciosos.
Se che interesa outra exquisita receita de sabores mediterráneos, proba este prato de Polo de campo ao allo e ao limón.
