Se este Nadal queres servir un prato de peixe ao forno delicioso, ensinámosche a preparar esta receita de pescada que lles vai encantar aos teus invitados.

Con esta preparación levarás a tradición do Nadal do peixe ao forno un paso máis alá. O suave sabor da pescada compleméntase coa textura crocante da codia de abelás nunha experiencia deliciosa que todos quererán repetir.

Prepara os teus utensilios de cociña e descubre como crear esta receita. Se segues as nosas indicacións, vaiche quedar exquisita.

Paso a paso para preparar a nosa receita de Pescada ao forno con codia de abelás

Ingredientes para 4 persoas

• 4 lombos de pescada.
• 100 g de abelás.
• 100 g de pan relado.
• ½ limón.
• ½ vaso de viño branco.
• Aceite de oliva.
• 3 porros.
• Perexil fresco.
• Sal.
• 150 ml de nata fresca para cociñar.
• Pementa negra.

Paso a paso

1. Corta en anacos dous dos tres porros en láminas. Un deles refógao cun fío de aceite. Salpementa. Engade o zume de limón e o viño. Deixa reducir e que evapore o alcohol. Reserva.

2. Refoga, tamén, o segundo porro laminado nun fío de aceite, ata que rustra. Salpementa. Engade a nata fresca, remove e reserva.

3. Moe as abelás, mestura con pan relado e dúas gotiñas de aceite. Fai unha codia.

4. Nun recipiente para forno, coloca na base o porro ao viño e limón. Enriba, o porro á nata e, sobre este, coloca os lombos de pescada coa pel cara a abaixo.

5. Salpementa os lombos de pescada e cúbreos coa codia, só a parte da carne. Engade un chorriño de aceite sobre a codia. Enforna a 180 ºC apenas uns minutos coa función da grella ata que doure a codia. Apaga o forno e deixa que termine de facerse a pescada coa calor residual.

6. Corta o terceiro porro á xuliana fina. Frite en abundante aceite moi quente ata que quede crocante.

7. Sirve esparexendo perexil moi picado e o porro frito como gornición.

Segredo do xefe de cociña

A este prato pódenselle engadir gambas peladas, ou calquera tipo de cogomelos, que se refogarían co porro á nata. Incluso pasas enfornadas ou calquera outra froita seca como ameixas ou orellóns.

Outras recomendacións

Bótalle creatividade, que tal estaría esta receita con Pistachos en lugar de abelás?

Se es un amante da pescada, suxerímosche tamén esta receita de Pescada con verduriñas ao vapor.

Non sabes que facer coas sobras do Nadal? Dámosche unhas boas ideas con estas 4 receitas de aproveitamento.