Apetéceche unha ensalada diferente que é, á vez, un prato único moi completo? Aprende a preparar a nosa receita de Ensalada temperada de garavanzos con polo.

Indicada para unha comida ou cea lixeira, é perfecta para a túa cesta equilibrada, xa que contén polo, verduras e legumes. Ademais, vén moi ben para esta época do ano.

Unha receita que reúne nun só prato a riqueza en fibra dos garavanzos e as súas proteínas, que se suman ás da carne de polo e complétanse coas vitaminas que achegan os vexetais. Unha combinación gañadora que podes preparar de forma rápida e sinxela. Anímaste?

Sigue o paso a paso da nosa Receita de Ensalada temperada de garavanzos con polo

Ingredientes para 4 persoas

• 500 g de garavanzos cocidos.
• 4 filetes de peitugas de polo.
• ½ cabaciña.
• 4 cogombriños.
• 8 tomates cereixa.
• 100 g de espinacas.
• 3 culleradas de aceite de oliva virxe extra.
• Un chorriño de vinagre balsámico de Módena.
• Un puñado de olivas en rodas.
• 3 culleradas de piñóns.
• Un chisco de sal.
• Comiño segundo vos guste.

Paso a paso:

1. Lamina moi fina media cabaciña.

2. Corta os tomates cereixa e os cogombriños.

3. Salga os filetes de peituga e córtaos en tiras.

4. Doura os piñóns e reserva. Na mesma tixola asa o polo.

5. Sirve no prato coas espinacas, os piñóns, a cabaciña, os garavanzos previamente escorridos, os tomates cereixa, os cogombriños, as olivas previamente cortadas en rodas e o polo.

6. Aliña con aceite, vinagre balsámico de Módena e comiño segundo vos guste.

Outras recomendacións

Suxerímosche 13 receitas para as túas ceas máis equilibradas, lixeiras, fáciles de preparar e con riqueza de ingredientes.

Aquí tes outra ensalada deliciosa a base de garavanzos, que che permite coidar a túa cesta equilibrada: receita de Ensalada de garavanzos con gambón.

Coñeces todas as posibilidades da Soia texturizada?