Coñeces as Sementes de chía?, forman parte da túa dieta? Son ricas en nutrientes, con proteínas, antioxidantes e alto contido en Omega 3 e fibra. Ademais, non conteñen glute.
Esta semente comestible é orixinaria de América Central, sobre todo de México e Guatemala. É pequena e ovalada, de cor marrón escuro ou agrisado. Durante séculos serviu como fonte de alimento e medicina.
O mellor de todo é que é moi fácil incluíla na túa alimentación. O seu sabor suave convértea nun ingrediente moi versátil que podes combinar cunha gran variedade de alimentos. Teno en conta para planificar a túa cesta equilibrada.
Suxestións de consumo
- Recoméndase consumir 2 culleradas sopeiras ao día, soas ou acompañadas doutros alimentos.
- Poden deixarse macerar en auga durante 6 horas e logo consumilas soas ou acompañadas doutros alimentos.
- A chía adóitase consumir enteira ou moída. Podes engadila a batidos, iogures, ensaladas, smoothies, pans… Tamén se pode utilizar para facer pudins, xelatinas, etc.
Modo de conservación
- Hai que conservala nun lugar fresco e seco. Unha vez aberta, débese cerrar ben e gardar no frigorífico.
Para facilitarche o labor, imos recomendarche 5 receitas con estas sementes. Non as perdas!
Aprende a preparar estas 5 Receitas con sementes de chía
Limoada de chía
Ingredientes para 2 persoas
1. Remolla 2 culleradas sopeiras de sementes de chía en ½ litro de auga durante un mínimo de 20 minutos, ata conseguir unha textura máis xelatinosa.
2. Espreme o zume de 4 limóns e cóao para evitar pebidas.
3. Mestura a auga e o zume de limón e pono nunha xerra cuns 500 g de xeo e unha presada de menta (uns 20 g) ben lavada e cortada.
Pudin de chía con pexego e améndoas
Ingredientes para 1 persoa
1. Remolla 2 culleradas sopeiras de chía nun vaso de leite de améndoas durante 20 minutos.
2. Tritura unha lata de pexegos en almibre ata que quede un puré fino.
3. Pela un pexego e córtao en dados.
4. Pon a tostar unha cullerada sopeira de améndoas laminadas nunha tixola sen aceite durante 3 ou 4 minutos a lume medio.
5. Enche vasos ou tarriños de cristal coa base do pexego triturado.
6. Engade o leite de améndoas con chía.
7. Finaliza cos dados de pexego e coas améndoas laminadas.
Ensalada de eiruga e cóengos con laranxa e vinagreta de chía
Ingredientes para 2 persoas
1. Remolla unha cullerada sopeira de sementes de chía no zume dunha laranxa durante 20 minutos, aproximadamente.
2. Mestura con 5 culleradas sopeiras de aceite, unha cullerada de sobremesa de mostaza de Dijon, unha cullerada de sobremesa de mel e o perexil moi picado.
3. Prepara a ensalada cunha bolsa de eiruga e cóengos, unha laranxa cos cuarteiróns cortados sen nada de pel, 60 g de queixo feta e 25 g de noces.
4. Adereza coa vinagreta de chía e esparexe algunhas sementes por enriba.
Crema de chícharos e iogur con sementes de chía
Ingredientes para 2 persoas
1. Pica finamente unha cebola doce e refógaa nunha pota con aceite ata que branquee, uns 10 minutos.
2. Engade 300 g de chícharos e, seguidamente, uns 400 ml de auga.
3. Coce o conxunto ata que os chícharos queden tenros.
4. Remolla unha cullerada sopeira de sementes de chía no zume dun limón durante uns 15 ou 20 minutos.
5. Tritura a cocción dos chícharos con 5 follas de menta nun batedor, pasa por un coador e bota sal e pementa segundo vos guste.
6. Mestura a crema de chícharos cun iogur e as sementes de chía con limón.
7. Sirve no prato e remata cada prato cuns poucos chícharos cocidos, un fío de iogur, aceite de oliva, reladura de limón, unhas follas de menta e sementes de chía esparexidas.
Manga sticky rice con sementes de chía
Ingredientes para 2 persoas
1. Remolla unha cullerada sopeira de chía con 100 ml de leite de coco uns 20 ou 30 minutos.
2. Quenta lixeiramente o leite de coco cunha cullerada sopeira de panela para que se disolva ben e engade enseguida un vaso de arroz basmati. Mestura ben xunto a unha cullerada de coco relado. Reserva e deixa arrefriar na neveira.
3. Sirve no prato o arroz con media manga cortada en cubos e esparexe con coco relado e sementes de chía.
Outras recomendacións
A nosa ampla selección de cereais contribúe á túa alimentación equilibrada. Cal prefires?
Aprende os mellores trucos para cociñar a coliflor e o brócoli e as mellores receitas para levar estes ingredientes á túa mesa.
Aproveita todos os beneficios dos froitos secos e as froitas deshidratadas.