Hona Ekialdeko kutsua duten bi errezeta azkar, zure otorduei ukitu exotiko bat eman diezaiezun. Zer iruditzen?
Ikas ezazu Mercadonan aurkituko dituzun arroz-noodleak prestatzen, eta gehitu azpizuna, barazkiak, teriyaki saltsa edo otarrainxkak, perretxikoak, zainzuriak eta ostra-saltsa.
Arrozezko fideo gozo horien prestatutako bi bertsio desberdin dira, zein baino zein hobea. Gonbida itzazu lagunak edo senideak, eta harrituta utziko dituzu. Ez ahaztu banbuzko txotx-sorta batzuk erostea!
Ikusi arretaz noodle-errezeta hauek prestatzeko bideoa
Lau lagunentzako osagaiak:
Bi errezetetarako osagaiak:
- Arroz-noodleak
- Oliba-olio birjina estra
- Jengibre freskoa
- 1 baratxuri-atal
Noodleak azpizunarekin egiteko:
- Txerri-azpizuna
- Hiru barazkiko poltsa bat (brokolia, azalorea eta azenarioa)
- Sesamo txigortua
- Gatza
- Teriyaki saltsa
Noodleak otarrainxkekin egiteko:
- Otarrainxkak
- Zainzuri berdeak
- Perretxiko xerratuak, salteatuta
- Kakahuete frijituak
- Ostra-saltsa
Nola egin noodleak azpizunarekin, pausoz pauso:
1. Zuritu eta xehatu jengibrea eta baratxuri-ale bat.
2. Egosi noodleak 2 minutuz.
3. Zatitu azpizuna kubo txikitan.
4. Frijitu azpizun-kuboak olio pixka batekin, goritu arte.
5. Gehitu poltsako barazkiak.
6. Bota jengibrea eta baratxuria, eta utzi pixka bat gorritzen.
7. Gehitu noodle egosiak.
8. Nahastu teriyaki saltsarekin.
9. Dena ondo nahasi.
10. Jarri platerean, eta sesamo txigortua hautseztatu gainean.
Nola egin noodleak otarrainxkekin, pausoz pauso:
1. Zuritu eta xehatu jengibrea eta baratxuri-ale bat.
2. Egosi noodleak 2 minutuz.
3. Frijitu perretxikoak olio pixka batekin.
4. Gehitu zainzuri berdeak, zatituta.
5. Eta otarrainxkak.
6. Bota jengibrea eta baratxuri-alea, xehatuta. Nahasi, eta utzi gorritu arte.
7. Gehitu noodle egosiak.
8. Nahastu dena ostra-saltsarekin.
9. Ondo nahasi.
10. Jarri platerean, eta kakahuete xehatuak hautseztatu gainean.
Beste gomendio batzuk
Arrozezko fideo horiek gustatzen bazaizkizu, seguru errezeta hau gogoko izango duzuela: hegaluzea arrozezko noodleekin eta edamamearekin.
Kozinatzeko eta lagunak eta senideak aho zabalik uzteko errezeta batzuen bila bazabiltza, berriz, seguru gure Errezetak atalean aurkituko dituzula.