Barbakoa bat arrazoi paregabea da etxekoekin eta lagunekin elkartzeko eguraldi ona aprobetxatuz. Mercadonak erraztasunak jartzen dizkizu topaketa horietarako udako haragi- eta barazki-barbakoaren errezeta honekin: arkume-txuletak, hirugiharra eta butifarra; prestatzen errazak, eta aproposak txingarren gainean zapore osoa ateratzeko.
Mercadonaren harategian topatuko duzun haragi horrekin jateko, artoa edo barazkiak har ditzakezu —zainzuri berdeak, kalabazina edo piper gorria— barbakoa perfektua egiteko. Eta ondu guztia saltsekin: currya, barbakoa eta aliolia. Denak ezin egokiagoak horrelako une baterako.
Ikusi udako haragi- eta barazki-barbakoaren errezetaren bideoa.
Lau lagunentzako osagaiak:
- Arkume-txuletak
- Butifarra freskoa
- Hirugiharra
- 1 artaburu egosi
- Zainzuri berdeak
- Kalabazina
- Piper gorria
- Piperbeltz beltza (errota)
- Gatz larria
- Oliba-olio birjina estra
- Curry saltsa
- Barbakoa-saltsa
- Aliolia
Pausoz pauso:
Gonbidatuak harrituta uzteko moduko barbakoa on bat prestatu nahi baduzu, jarraitu udako haragi- eta barazki-barbakoaren errezeta honi pausoz pauso.
1. Piztu sua, eta itxaron txingarrak goritu arte.
2. Garbitu eta moztu barazkiak.
3. Moztu artoa, eta jarri txingarretan gatz eta piperbeltz pixka batekin.
4. Jarri haragia txingar gainean. Bota gatza eta piperbeltza txuletei eta hirugiharrari bakarrik.
5. Egin dena bi aldeetatik, gorritu arte.
6. Jarri platerean, ondu oliba-olio pixka batekin eta hiru saltsak ontzi txikitan aurkeztu, bakoitzak nahi adina har dezan.
Udako haragi- eta barazki-barbakoa errezeta goxoa da, aproposa lagunekin eta etxekoekin jateko, oporretan eguraldi ona aprobetxatuz.
Beste gomendio batzuk
Barbakoa-errezeta goxo honekin hartzeko, probatu Steinburg % 0 garagardo glutenik gabea. Edari freskagarria da, eta, gainera, zeliakoentzat ere egokia.
Gonbidatuak barbakoa egin zain dauden bitartean, eskain iezaiezu labean egindako ahuntz-gaztaren eta brie gaztaren montaditoak. Harrituta utziko dituzu. Ikusi montadito horien errezeta, eta eskaini lagunei eta etxekoei aperitiborik onena.