bestelako bertsio iradokitzaile bat proposatzen dizugu: gure errezetan, merengea mascarpone gaztarekin ipiniko dugu, eta, osatzeko, basafruituen freskotasun bereizgarria.
Tarta perfektua edozer aukeratarako, dela afari intimo baterako edo jai-ospakizun baterako. Prestatu nahi duzu? Erraz-erraza da!
Pavlova tarta mascarpone eta basafruituekin, pausoz pauso
6 lagunentzako osagaiak:
- 6 arrautza-zuringo.
- 300 g azukre.
- 300 g mascarpone.
- 1 koilarakada ozpin.
- 2 tanta banilla-aroma.
- 125 g masusta.
- 125 g ahabi.
- 125 g mugurdi.
- ½ granada.
- Mendafina.
Pausoz pauso
1. Pintzel batekin, igurtzi ozpina katilu baten hormetan. Gehitu zuringoak, eta irabiatu hagekin.
2. Zuringoak bitsa ateratzen hasten direnean, gaineratu banilla-aroma, eta bota azukrea pixkanaka. Irabiatu zuringoak elur-punturaino.
3. Utzi irabiatzeari merengea zurrun eta distiratsu dagoenean eta tontor-antzekoak sortzen direnean.
4. Labeko erretiluan, jarri merengea landare-paperaren gainean. Osatu zirkulu bat koilara batekin, eta utzi hutsune bat erdian, betegarria jartzeko.
5. Egin merengea labean 2 orduz 140 ºC-ra, eta utzi hozten.
6. Bete merengearen erdiko hutsunea mascarpone gaztarekin, eta haren gainean jarri basafruituak, granada-aleak eta mendafin-orri batzuk.
Chefaren sekretua
Merenge bat ongi irabiatuta dagoen jakiteko modurik onena da hatzekin ukitzean azukre-koskorrak ez nabaritzea.
Beste gomendio batzuk
Gozogintzarako ideiak nahi badituzu, hementxe dituzu bi errezeta: Glutenik gabeko bizkotxo limoi-kremaz eta basafruituz betea eta Batata- eta pistatxo-plumcakea.
Beste momentu gozo batzuetarako, ezagutu gure turroi aukera zabalean ditugun berritasunak.