O Nadal xa está aquí. É tempo de reunións familiares, deliciosas comidas, ceas que nos invitan a excedernos un pouco e gozar dos praceres gastronómicos típicos desta época. É posible compaxinar esas ocasións especiais con hábitos saudables.

Queres coñecer os mellores consellos para vivir o Nadal ao máximo mentres gozas dunha alimentación variada e equilibrada? Ademais, aprenderás unhas pautas para mellorar a túa hidratación, o teu descanso, o exercicio, etc. Hai moitas cousas que podes facer... E todo iso sen deixar de lado eses caprichos que tanto nos gustan. Sigue lendo!

8 consellos para pasar un Nadal saboroso e saudable

1. Planifica

É moi importante que organices con antelación os teus menús tamén nesta época do Nadal. Isto permitirache manter un equilibrio na túa alimentación. Sabendo os días nos que os xantares ou as ceas van ser máis pesados, podes planificar o resto das comidas, procurando darlle prioridade aos alimentos frescos e de tempada.

2. Mantén a saciedade

Manter a saciedade a raia é unha excelente estratexia para controlar a túa alimentación. Se sabes que tes un xantar ou unha cea máis abundante, onde é fácil caer en excesos, tomar un aperitivo antes da cea axúdache a manter a saciedade. Unha elección perfecta para iso son as nosas tortiñas de legumes. Descubre todas as variedades que temos e elixe a que máis che guste.

3. Equilibra os menús de Nadal

Deseña o teu menú de Nadal tendo en conta o equilibrio nutricional. É imprescindible incluír unha boa ensalada e incluso unha sopa ou crema de verduras. Podes formulalo de maneira que deixes un oco para os doces tan típicos desta época. Está claro que son comidas de festa que deben abordarse con flexibilidade, pero aínda así é posible levar un mínimo control.

4. A auga, sempre presente

Procura que a auga nunca falte na túa mesa. Unha boa hidratación é clave para a nosa saúde e a auga é fundamental para conseguila. Un truco orixinal para que beber auga resulte máis entretido é facer augas de sabores con distintas froitas ou herbas aromáticas que lles darán un toque diferente ás túas comidas.

5. As cantidades

Coidar a cantidade que comes, é básico para un Nadal saudable. Servir a comida xa no prato é un truco efectivo para controlar mellor a cantidade de comida que consomes. Desta maneira, garantes que comes de todos os grupos de alimentos necesarios.

6. Froitas e verduras

Incluílas nos teus menús de Nadal é esencial para completalos de maneira apetecible e que resulten o máis equilibrados posible. Estes ingredientes cheos de sabor só poden enriquecer esas comidas especiais. Descubre receitas e outras ideas interesantes para tomar froitas e verduras, ben sexan frescas ou conxeladas.

7. Movemento

Manterte activo é un hábito que debes conservar nestes días de festas. Unha boa rutina de exercicio é perfectamente compatible coas celebracións do Nadal, e tamén podes optar por outras actividades como pasear, patinar, bailar, xogos activos en familia...

8. Descanso

Son días atarefados, nos que se pode trasnoitar un pouco máis. A pesar diso, este Nadal non esquezas descansar adecuadamente en tempo e calidade. Para iso, van xenial as nosas infusións de Macela sabor a mel, que che proporcionarán unha sensación moi agradable antes de durmir. Queres saber máis sobre as nosas Infusións?

Outras recomendacións

Nesta época do ano, coida tamén os teus almorzos. Dámosche 3 ideas para un almorzo ideal.

Para o almorzo ou calquera momento do día, as nosas Bebidas vexetais, aptas para todo tipo de dietas.