No inverno convén coidarse con bos hábitos de alimentación. Os pratos de culler que se toman quentes son moi recomendables e reconstituíntes nesta época do ano, sobre todo se están baseados en verduras, legumes ou hortalizas.

Propoñémosche tres receitas de Cremas saudables para que este inverno coides os teus xantares e as túas ceas. Moi fáciles de preparar!

3 receitas de cremas ideais para o inverno

Crema de cabaza e lentellas

Un primeiro prato moi completo, baixo en calorías, que che achega toda a enerxía que necesitas grazas á súa exquisita combinación de ingredientes. A cabaza reforza o noso sistema inmunolóxico, é antioxidante e prevén gripes e catarros, entre outras propiedades. Pola súa parte, as lentellas destacan pola súa achega de proteínas, minerais, ferro e fibra.

Se queres aprender a preparar este prato sigue a nosa receita paso a paso.

Crema de chícharos

Os chícharos, ingrediente básico desta receita, teñen un alto valor nutricional e menos achega calórica que outros legumes. Constitúen unha importante fonte de proteína vexetal, con alto contido en vitaminas, minerais e hidratos de carbono. Tamén son ricos en fibra soluble e axudan a reducir o colesterol.

Se queres aprender a preparar este prato sigue a nosa receita paso a paso.

Crema de brócoli con améndoas

O brócoli é unha verdura moi nutritiva, alta en vitaminas e minerais e pouco calórica. Prevén as enfermidades cardiovasculares, é unha boa fonte de ferro contra a anemia e depura o organismo, entre outras boas calidades. As améndoas achegan a este prato a súa riqueza en proteínas, graxas saudables e poder antioxidante.

Se queres aprender a preparar este prato sigue a nosa receita paso a paso.

Outras recomendacións

Completa o resto de comidas do día coa nosa ampla variedade de Pans 100 % integrais.