Para contrarrestar o frío, apetecen pratos de culler quentes, con ingredientes lixeiros que nos axuden a manter unha alimentación equilibrada.

Nesta liña, suxerímosche unha deliciosa Crema de chícharos e ofrecémosche o seu desenvolvemento con todo detalle. Ademais, cos ingredientes que sobran despois de coar o caldo, se lle engades pataca, podes preparar un exquisito puré. Desta forma, aproveitas ao máximo todos os elementos utilizados nesta receita.

Sigue o paso a paso da nosa receita de Crema de chícharos

Ingredientes para 4 persoas

Para o caldo:

• 300 g de apio
• 1 mazá golden
• 50 g de xenxibre
• 1 cebola
• 300 g de repolo

Para a crema:

• 700 g de chícharos conxelados
• 300 g de cebola
• Minitaquiños de xamón
• Carochos torrados
• Sal
• Aceite de oliva virxe extra
• Pementa negra

Paso a paso

1. Para cociñar esta crema de chícharos, é necesario preparar antes un caldo: en 2 litros de auga, ponse a ferver o apio, o repolo, a cebola, a mazá e o xenxibre.

2. Hai que cocelo 30 minutos, coalo e reservalo (é neste punto cando podemos aproveitar os ingredientes coados para o caldo, engadir pataca e preparar un puré).

3. Nunha tixola con aceite, refoga lixeiramente a cebola picada sen que chegue a dourar.

4. Engade os chícharos e bótalle sal e pementa segundo che guste.

5. A continuación, engádelle o caldo coado e ferve outros 10 minutos.

6. Tritura todo na mesma pota.

7. Sirve e decora cos carochos e cos taquiños de xamón refogados.

Outras recomendacións

Descubre moitas outras receitas interesantes e aprende a preparalas nesta sección.