Este Halloween prepara unhas Minipizzas “de medo” para toda a familia. Terroríficas, moi divertidas e, ademais, están riquísimas.

Aos máis pequenos encántanlles as pizzas, e moito máis se son de Halloween e están ben decoradas con motivos arrepiantes, así que non deixes pasar esta oportunidade de pasalo en grande con eles.

Sigue o noso paso a paso para a Receita de Minipizzas de Halloween

Ingredientes para 4 unidades

• 550 g de cabaza
• 1 ovo
• 60 g de fariña integral
• 20 g de lévedo en po
• 1 culleradiña de sementes de sésamo
• 1 culleradiña de allo granulado
• Sal
• Pementa negra moída

Para a decoración de Halloween:

• Olivas verdes e negras
• Perlas de mozzarella
• Liscos de mozzarella
• Xamón cocido natural
• Mozzarella relada
• Pemento vermello
• Tomate frito

Paso a paso

Aquí tes a elaboración completa e detallada desta receita para Halloween:

1. Corta en anacos e asa a cabaza no forno a 200 ºC durante 40 minutos. Cando estea asada, tritura e fai un puré. Deixa arrefriar.

2. Separa a clara da xema e bate a clara.

3. Engádelle a clara batida ao puré de cabaza, o sal, o allo granulado e un chisco de pementa negra. Mestura ben.

4. Mestura a fariña co lévedo e as sementes e engade á mestura anterior ata que quede unha masa suave.

5. Estende a masa nunha bandexa con papel de forno en forma de minipizzas. Mete no forno a 200 ºC uns 20 minutos (ata que quede dourada).

6. En todas as bases engade tomate frito, mozzarella relada e xamón cocido.

7. Agrega os topping para decorar con motivos de Halloween:

a. Fai arañas con olivas negras.

b. Fai un fantasma con mozzarella en liscos e decora a boca e os ollos con olivas negras.

c. Escribe a palabra “BOO” con olivas negras.

d. Fai un monstro con ollos de mozzarella, olivas verdes e negras e boca de pemento vermello.

8. Volve meter no forno a 200 ºC durante 7 minutos aproximadamente.

Outras recomendacións

Se buscas outras receitas de Halloween, aquí tes estas fantasmais galletas.