Pensas que preparar unha Faceira ao Porto é demasiado complicado para facelo na casa? Nada diso, coa nosa receita paso a paso cociñar este suculento prato é moi fácil. Toma boa nota dos ingredientes e ponte mans á obra, seguro que che queda tenra e saborosa, cunha salsa irresistible. Sorprende os teus familiares e amigos!

Sigue o paso a paso para a receita de Faceira ao Porto

Ingredientes para 4 persoas:

• 1,5 kg de faceira de vacún
• 3 allos
• 2 porros
• 1 tronco de apio
• 2 cebolas doces
• 2 follas de loureiro
• 3 cenorias
• ½ litro de viño de Porto Tawny
• 1 vaso de auga
• Pataca cocida
• 2 vasiños de arroz basmati

Paso a paso:

1. Bótalle sal e pementa á faceira e sela nunha tixola cun pouco aceite. Reserva.

2. Pica os allos, os porros, o apio e as cebolas doces. Corta as cenorias en rodas.

3. Engade todas as verduras nunha pota xunto co loureiro e refoga durante 15 minutos.

4. Pasado ese tempo, incorpora a faceira na pota, engade o viño de Porto e coce durante 30 minutos. Rectifica de sal se o ves necesario.

5. Pasado ese tempo, engade a auga, tapa a pota e cociña 90 minutos máis a lume lento.

6. Sirve con pataca cocida e co arroz basmati.

Outras recomendacións

Se buscas outra deliciosa receita de carne, proba este Solombo Ibérico ao Cacao 99 %.