Probaches as Espirais de lentellas vermellas? Ademais dunha forma distinta de comer legumes, é un produto rico en fibra e proteínas (máis que unha pasta convencional) e libre de glute.

Se as combinamos cun ingrediente vexetal como as espinacas, con baixa achega calórica e alta en vitaminas e fibra, temos un prato moi completo.

Ideal para as persoas amantes do deporte, ou simplemente todas aquelas que coidan a súa alimentación. Se é o teu caso, aprende a preparar esta deliciosa receita. É moi fácil!

Sigue o paso a paso da nosa Receita de Espirais de lentellas vermellas con espinacas

Ingredientes para 4 persoas

• 320g de espirais de lentellas vermellas.
• 300g de espinacas.
• 2 dentes de allo.
• 40g de queixo parmesano.
• 25g de piñóns.
• 125g de queixo feta.
• 50ml de aceite de oliva.
• Sal.
• Pementa negra.

Paso a paso:

1. Tosta lixeiramente os piñóns nunha tixola cunhas gotiñas de aceite.

2. Coce as espirais entre 6 e 8 minutos cun pouco sal. Reserva unha pouca auga da cocción.

3. Refoga os dentes de allo picados nun pouco aceite durante un minuto. Engade as espinacas cortadas en anacos e refoga outro minuto. Bota sal e pementa.

4. Bota a metade das espinacas refogadas nun vaso batedor, engade o parmesano relado e unha pouca auga da cocción. Vai engadindo auga ata conseguir unha textura moi lixeira.

5. Engade pementa ás espirais e mestura coas espinacas refogadas sobrantes e a salsa que elaboramos.

6. Remata de servir no prato cos piñóns tostados e o queixo feta esmiuzado por enriba.

Outras recomendacións

Coñeces o Tahini? É unha pasta elaborada 100 % con sementes de sésamo, un produto totalmente natural, sen aditivos.