O talento de 99.000 persoas comprometidas coa excelencia
O Traballador é, tras "O Xefe" (cliente), o segundo compoñente da empresa que Mercadona busca satisfacer dentro do seu Modelo de xestión ético e responsable. En Mercadona, quen ten que satisfacer "O Xefe" (cliente), ten que estalo tamén.
Todas as persoas que forman parte da compañía son un activo moi valioso e, no seu conxunto, conforman un equipo de alto rendemento, comprometido coa excelencia e coa máxima satisfacción da clientela.
Para satisfacer as súas traballadoras e traballadores, Mercadona aplica unha política de Recursos Humanos recoñecida por ofrecer emprego estable e de calidade, entre outros valores. É grazas a esta política diferencial que Mercadona dispón dun equipo cohesionado, inzado de talento e con capacidade de mellorar constantemente.
As traballadoras e os traballadores son en Mercadona un activo moi valioso. Mercadona ten como obxectivo dispoñer dun cadro de persoal comprometido coa excelencia no servizo, altamente motivado e aliñado coa visión da compañía para lograr os obxectivos do proxecto común. O que hoxe é Mercadona, é o resultado das ideas e do esforzo de todo un equipo repleto de Talento
Unha forza laboral diversa é unha das nosas mellores vantaxes competitivas. A través dunha cultura empresarial inclusiva, baseada no noso Modelo de Calidade Total e en valores como o respecto, a equidade e o recoñecemento positivo das diferenzas, buscamos a integración plena e satisfactoria de cada persoa.
O cadro de persoal de Mercadona é moi importante para a compañía. Mercadona dispón dun Modelo de Recursos Humanos recoñecido por ofrecer postos de traballo estables e de calidade dende os que se impulsan, entre outros, o desenvolvemento persoal e profesional, a estabilidade, a formación, o liderado ou a equidade.
O Convenio de Mercadona acordado cos principais sindicatos marca as condicións e os dereitos laborais do seu cadro de persoal con medidas pioneiras como a formación continua ou unha maior conciliación. Á súa vez, o Plan de Igualdade da compañía recolle compromisos e medidas encamiñadas ao desenvolvemento dunhas relacións laborais baseadas na igualdade de trato e de oportunidades entre mulleres e homes.
