"Para poder recibir, primeiro hai que dar”.
As condicións laborais de Mercadona destacan por ofrecer emprego estable e de calidade mediante un Modelo de Recursos Humanos que fomenta a formación, a promoción interna e a equidade, entre outros valores.
A política de Recursos Humanos de Mercadona foi recoñecida pola Organización Internacional do Traballo (OIT) e é a primeira empresa do sector Distribución no ranking Merco Talento.
O cadro de persoal de Mercadona dispón de contratos fixos e salarios que superan a media do sector.
Mercadona reparte unha parte do seu beneficio anual co cadro de persoal. Ademais, as traballadoras e traballadores benefícianse dunha política retributiva con incrementos salariais en cada paso de tramo (ano de antigüidade), ata cinco tramos en cada posto.
Se ás persoas as formas e lles dás oportunidades, xeras un viveiro de talento.
Mercadona trata de que o seu cadro de persoal concilie os seus roles profesionais e persoais. Entre outras medidas, ofrece a posibilidade de ampliar un mes máis a baixa maternal e dispón de centros infantís nalgúns dos seus bloques loxísticos. Ademais implantou unha xornada laboral de cinco días á semana (5+2) para o persoal dos supermercados que supón unha medida pioneira ao permitir 140 días libres ao ano.
Mercadona comparte a información e os obxectivos da empresa co seu cadro de persoal. Ademais, para desenvolver o talento das persoas, fomenta o diálogo e a súa participación, xa que para obter as mellores ideas hai que aproveitar a creatividade de todas as persoas que forman a compañía.
As traballadoras e os traballadores son en Mercadona un activo moi valioso. Mercadona ten como obxectivo dispoñer dun cadro de persoal comprometido coa excelencia no servizo, altamente motivado e aliñado coa visión da compañía para lograr os obxectivos do proxecto común. O que hoxe é Mercadona, é o resultado das ideas e do esforzo de todo un equipo repleto de Talento
Unha forza laboral diversa é unha das nosas mellores vantaxes competitivas. A través dunha cultura empresarial inclusiva, baseada no noso Modelo de Calidade Total e en valores como o respecto, a equidade e o recoñecemento positivo das diferenzas, buscamos a integración plena e satisfactoria de cada persoa.
O cadro de persoal de Mercadona é moi importante para a compañía. Mercadona dispón dun Modelo de Recursos Humanos recoñecido por ofrecer postos de traballo estables e de calidade dende os que se impulsan, entre outros, o desenvolvemento persoal e profesional, a estabilidade, a formación, o liderado ou a equidade.
O Convenio de Mercadona acordado cos principais sindicatos marca as condicións e os dereitos laborais do seu cadro de persoal con medidas pioneiras como a formación continua ou unha maior conciliación. Á súa vez, o Plan de Igualdade da compañía recolle compromisos e medidas encamiñadas ao desenvolvemento dunhas relacións laborais baseadas na igualdade de trato e de oportunidades entre mulleres e homes.
