- Abrerako (Bartzelona) bloke logistikoan dago, eta 16.500 eguzki-panel ditu. 8 MW-eko potentzia eta 9,5 GWh-ko sortze-ahalmena du urtean, eta, horri esker, 1.270 tona CO2 isurtzea saihestuko da.
- Guztira, Mercadonak 100 MW ditu instalatuak estalkietan (on-site autokontsumoa) Potentzia horri esker, urtean 40.000 etxebizitzako energia-kontsumoaren baliokidea sortuko du, eta urtean 16.000 tona CO2 isurtzea saihestuko du.
Mercadona supermerkatu fisikoen eta onlineko salmentako konpainia, Abrerako (Bartzelona) bloke logistikoan orain arteko instalazio fotovoltaikorik handiena zabaldu ondoren, energia berriztagarriko 100 MW-eko potentziara iristen da bere kate osoan. Mercadonaren estalki guztietako panel fotovoltaikoek, guztira, 125 GWh-ko potentzia ekoizten dute urtean, gutxi gorabehera, eta hori 40.000 etxebizitzako urteko kontsumoaren baliokidea da. Ekoitzitako energia horrekin urtean 16.000 tona CO2 isurtzea saihesten da, eta hori 350.000 zuhaitzek neutralizatzen duten kantitatearen antzekoa da (Valentziako hirian dagoen zuhaitzen ia % 90).
Konpainiak 2020an ekin zion energia jasangarriko planari, panel fotovoltaikoaren aldeko apustuarekin, eta 75 milioi euro baino gehiago inbertitu ditu eguzki-plakak instalatzeko. Inbertsio horri esker, 200.000 eguzki-modulu inguru instalatu ahal izan dira, kate osoan kontsumitutako energiaren % 6 ekoizteko.
Mercadonak Espainian eta Portugalen dituen 1.660 supermerkatuetatik eta 23 bloke logistiko eta “erlauntzetatik” (online saltzeko biltegi esklusiboak), 400 denda baino gehiagok eta 8 bloke logistiko eta “erlauntzak” eguzki-plakak dituzte estalkietan, baita Albalat dels Sorells herrian (Valentzia) dauden Mercadonaren bulego zentralek ere. Potentzia instalatu horrekin guztiarekin, konpainiak espero du 125 dendaren urteko kontsumo metatuaren energia aurreztea.
Datozen urteetan, energia garbien eta ingurumena gehiago errespetatzen duten energien erabilera sustatzen jarraitzea aurreikusten du Mercadonak, eta helburutzat du guztira 250 MW-eko potentzia fotovoltaikoa izatea. Urtean kontsumitutako energia guztiaren % 15 autokontsumo bidezkoa izatea ekarriko luke horrek.
Abrera, Mercadonaren instalazio fotovoltaikorik handiena.
Joan den urtearen amaieran ekin zitzaion panelak instalatzeari, eta joan den maiatzean amaitu, ia 7 milioi euroko inbertsioa eginda. Zehatz-mehatz, estalkiak 16.500 eguzki-plaka eta 8 MW-eko potentzia ditu. Hala, 9,5 GWh/urte sortzen du, eta urtean 1.270 tona CO2 isurtzea saihesten du. Enpresaren instalazio fotovoltaikorik handiena da. Horri esker, zentroak, bere kabuz, urteko energia-eskariaren % 25 ekoitziko du.
Abrerako Mercadonaren bloke logistikoak 200.000 metro koadroko lursaila hartzen du, eta horietatik 110.000 baino gehiago eraikitzeko erabili dira. 300 milioi euroko inbertsioa egin da, 75.000 salgai-palet hartzeko gaitasuna du, eta 250 supermerkaturi zerbitzua emateko prestatuta dago.
Abrerako (Bartzelona) bloke logistikoko plaka fotovoltaikoak airetik ikusita.