- Hilabete honetan bertan sartuko da indarrean, datozen 4 urteetarako.
- Hitzarmenak ezaugarri gisa mantentzen du berdintasuna zeharkakotasunez sustatzea, Mercadonaren prozesu guztietan eta konpainia osatzen duten pertsona guztientzat.
- Konpainiak lanean jarraitzen du berdintasunaren alorrean ere emaitza onak lortzeko.
Mercadona supermerkatu fisikoen eta onlineko salmentako konpainiak enpresaren Berdintasun Plan berria sinatu du Unión General de Trabajadores (UGT) eta Comisiones Obreras (CCOO) sindikatuetako ordezkariekin. Apirilean bertan sartuko da plana indarrean, eta lau urtez iraungo du, 2028 arte.
Konpainiak urteetan zehar lortu dituen emaitza onak sendotu nahi ditu plan berriak, hala nola gizon eta emakumeen arteko parekotasuna lortzea zuzendaritza-taldean; horretarako neurrien artean daude barne-igoera bultzatzea eta gizon eta emakumeen kopuru orekatua sustatzea zuzendaritza-postuetarako gaitasunak lantzeko ikastaroetan.
Era berean, tratu- eta aukera-berdintasuna sustatzen jarraituko du, konpainiaren kudeaketa-ereduaren bidez (Erabateko Kalitatearen Eredua), uko egin ezineko balioekin, hala nola ordainsarien ekitatea, beti bermatuz “erantzukizun bera, soldata bera” irizpidea eta ordainsarien gardentasunerako neurriak.
Mercadonak duela 14 urte baino gehiago du ordezkari sindikalek berretsitako Berdintasun Plan bat, eta, orain arte bezala, aurrerantzean ere jarraituko du ekitatea zeharkakotasunez sustatzen prozesu guztietan (prestakuntza, sustapena, ordainsariak, etab.) eta pertsona guztientzat, zuzeneko edo zeharkako bereizkeriarik ez dagoela bermatuta.
Rafa Caparrós, UGTko Estatuko arduraduna: “Ziur gaude plan honek jarraipena ematen diola pertsonen garapen profesionaleko aurrerapenari, batez ere Mercadonan lan egiten duten emakumeenari, diagnostikoaren argitan bideratutako helburu eta neurrien bidez. Beste behin ere, gure xedea Mercadonan emakumeen eta gizonen arteko benetako berdintasuna konpromiso eta errealitate izatea da”.
Silvia Yankowich, CCOOko Atal Sindikaleko idazkari nagusia: “Orain arte lortutako aurrerapenak oso positibotzat jotzen ditugu, eta berresten dute honelako hitzarmenek emaitza onak ematen dituztela. Plan honekin, emakumeen eta gizonen arteko berdintasuna sendotzeko elkarlan-konpromisoari eusten diogu”.
Bestalde, Ernesto Cubero Mercadonako Lan Harremanetako zuzendariak hau adierazi du: “Harro gaude Ereduaz eta Mercadonako plantilla osatzen duten 100.000 eta gehiago pertsonen lan-harremanak eta enpleguaren kalitatea etengabe hobetzeko egin dugun ahaleginaz”.
Noelia eta Miguel Ángel, Mercadonako denda bateko langileak.