Belakiarekin ematen dituzu argitzaile eta kolorete likidoa? Uneko joeretako bat da. Makillatzeko belakiak oso ezagun egin dira, erraz eta modu uniformean aplikatzea bermatzen dutelako. Horregatik, produktu berritzaile bat gehitu dugu gure sorta finkoan: denak aipatzen ari diren ezinbesteko makillaje-produktu bat.
Hau da Deliplus Color markaren azken berrikuntza: akatsik gabeko estaldura eta akabera natural eta argitsua ematen dituen argitzailea. Haren formula berezia zure azalari egokitzen zaio, eta mihise perfektu eta distiratsu bat sortzen du. Produktuak daraman belakiari esker, oso erraz eta zehatz aplikatzen da. Probatu eta lortu azal liluragarri bat!
Blush – Aurpegirako kolorete argitsuak
Ezagutu Blush, gorritasun natural eta distiratsua ematen dizun aurpegiko koloretea. Haren testura arinak ezin hobeto egiten du bat zure azalarekin: osasuntsu-kolorea ematen dizu, baita masailak bikain nabarmentzen dizkizun distira argitsu bat ere.
Bi tonu ditugu:
- 01. zk. – Melokotoia.
- 02. zk. – Arrosa ertaina.
Aurpegiko argitzaile fluidoa eta brontzea:
Highlighter – Aurpegiko fluido argitzailea
Aurpegirako fluido argitzaile hau produktu iraultzailea da makillajearen munduan, eta zure azalaren argitasun naturala nabarmentzeko diseinatuta dago. Zeta antzeko formula arinari esker, erraz nahasten da, eta distiratsu uzten du azala.
Bronzer – Aurpegirako beltzarantzaile argitsua
Urte osoan zehar kolore beltzaran natural eta distiratsua izan nahi baduzu, hau da behar duzun beltzarantzailea. Bere formula arina leunki lausotzen da, beltzaran-itxura sotil eta uniformea emateko. Ezin hobea da zure azalari berotasun-ukitu bat emateko edo zure ezaugarriak nabarmentzeko, argi-tonu mesedegarri batekin.
Nola erabili:
Produktuak irekitzeko, goiko aldea, hots, belakia dagoen aldea, “on” posiziora biratu behar da, produktua atera dadin. Ixteko, aldiz, “off” posiziora itzuli behar da, behar bezala mantendu eta kontserbatu dadin.
Beste gomendio batzuk
Ezagutu makillatzeko gure Pintzel-kitak, eta lor itzazu emaitza profesionalak
Eraldatu zure begirada, eta lortu delineatu perfektua gure Begietako delineatzaileekin.
Zure betileak definitu zein haien bolumena handitu nahi baduzu, edo soluzio gardenak, urarekiko erresistenteak eta abar behar badituzu, zure beharretara egokitzen diren Betile-maskarak dauzkagu.