Gabonetako, Pazkoetako eta beste jai eta ospakizun batzuetako bazkari eta afariek orbanak uzten dituzte ahozapietan, mahai-zapietan eta bestelako ehunetan.
Ardo-isuriak eta saltsa- eta makillaje-orbanak ohikoak izaten dira ospakizun berezi horietan. Eta gero zaila izaten da orban zail horiek ezabatzea.
Baina ez kezkatu: orban zail horiek ezabatzeko eta zure ehunak ezin hobeto uzteko gida txiki bat emango baitizugu.
Nola garbitu mahai-zapi eta ahozapiak
- Jarri ontzi batean 4 litro ur epel (gehienez 40 graduan) eta dagokion orban-kentzeko aktibatzailea, ehuna zuria edo koloretakoa den kontuan hartuta. Sartu mahai-zapia eta ahozapiak, eta utzi beratzen. Eragin noizean behin.
- Amaitzean, garbitu garbigailuan, ehunari dagokion garbiketa-zikloan (irakurri fabrikatzailearen jarraibideak etiketan).
- Eseki aire zabalean; ahal bada, eta ehunari ez badio kalterik egiten, eguzkitan.
- Aktibatzaileei esker, orbanak kentzeaz gainera, ehunen koloreak edo zuria areagotuko ditugu.
Nola ezabatu orban jakin batzuk
- Ardo-, saltsa-, txokolate- eta fruta-orbanak eta antzekoak: tratatu orbanak lehenbailehen gure Orban-kentzekoarekin, zuzenean orbanen gainean hautseztatuta eta 5 minutuz eragiten utziz. Ondoren, igurtzi ehuna apur bat eta sartu garbigailuan.
- Koipe-orbanak: eman koipe-kentzeko bat orbanean bertan eta igurtzi. Segituan, garbitu ehuna eskuz edo garbigailuan. Gure Koipe-kentzeko Marseilla-perfumeduna ezin hobea da mota horretako orbanetarako (aparduna edo aparrik gabea erabil dezakezu).
Zure ehunetatik orban zailak garbitzeko aholku garrantzitsuak
- Bizkor ibili: zenbat eta lehenago tratatu orban bat, orduan eta errazagoa izango da garbitzea.
- Identifikatu zer motatako orbana den, eta hautatu garbiketa-metodo egokia eta produktu egoki eta eraginkorrenak. Irakurri ehunaren etiketak, fabrikatzailearen jarraibideak betetzeko.
- Lehenengo, probatu eremu txiki batean: orban batean garbiketa-produktu bat probatu aurretik, egin proba ikusten ez den ehun-zati batean, ehuna eta kolorea ez dituela hondatzen egiaztatzeko.
- Xurgatu orbana: erabili zapi garbi bat xurga daitekeen likidoa edo substantzia solidoa xurgatzeko. Emeki zanpatu, igurtzi gabe.
- Ez igurtzi gehiegi: ez gehiegi igurtzi orbanak, zabaldu egin baitaitezke, edo ehunean gehiago sartu. Egin mugimendu leunak.
- Ez lisatu orbanekin: ez lisatu orbanak dituzten ehunak, zikina gehiago sar baitaiteke ehunean.
- Arropak: gomendio hauek arropetarako ere balio dute, betiere produktua ehun horretarako egokia bada eta fabrikatzailearen garbiketa-jarraibideak betetzen badira.
- Irakurri arretaz produktu bakoitzaren jarraibideak.
Beste gomendio batzuk
Lehengai naturalekin egindako orban-kentzeko tradizional bat nahi baduzu, probatu gure Perkarbonato zuritzailea.
Errodapi, sofa, horma, ate, motxila eta kirol-oinetakoetako orban zailak badira, balio anitzeko produktu bat gomendatzen dizugu: Ezabatzaile magikoa.
Gure Detergente hipoalergeniko lurrinduna arropa garbi-garbi eta kolonia-lurrin atseginarekin uzten du.