Gabonetan, etxeko platerak nahi izaten ditugu, baina sofistikazio-ukitu batekin. Horregatik, hostore gustagarri batez lagundutako izokin-errezeta hau proposatzen dizugu.

Hostorearen barruan, izokinaren zapore bereizgarria sumatuko duzu, espinaken freskotasunak eta gazta-saltsaren krema-testurak lagundua. Erabateko arrakasta ospakizun guztietan. Aurkezpen bikaina du gainera.

Jarraitu pausoz pauso Wellington izokina espinakekin eta gazta-kremarekin prestatzeko gure errezetari

4 lagunentzako osagaiak

• 1 izokin-solomo (gutxi gorabehera 500 g).
• hezurrik eta azalik gabea.
• Xafla bat hostore fresko.
• 200 g espinaka.
• 125 g gazta leunezko krema.
• Oliba-olio birjina estra.
• 1 atal baratxuri.
• 1 arrautza.
• Gatz-ezkatak.
• Piperbeltz beltz ehogailuduna.

Pausoz pauso:

1. Zartagin batean, gorritu baratxuria, azalik gabe eta xehe-xehe eginda. Gero, gehitu espinakak, jarri gatza eta piperra, eta sueztitu 3 bat minutuz.

2. Gehitu gazta, nahasi eta utzi hozten.

3. Zabaldu hostore-xafla, eta jarri gainean espinaka- eta gazta-ohe bat, eta, haren gainean, izokina, gatzez eta piperrez ondua. Itxi orea pakete baten moduan, eta buelta eman, espinakak dauden aldea goian gera dadin.

4. Busti arrautza irabiatuarekin eta sartu aldez aurretik 180 ºC-an berotutako labean. Utzi hostorea egin arte, 30 minutuz, gutxi gorabehera.

Chefaren sekretua

Plater hau epel jatea da onena, ez oso bero, ez oso hotz.

Beste gomendio batzuk

Gustuko baduzu arrain hori, ikasi gure Izokin-quichearen errezeta prestatzen.

Gure Errezetak atalean aurkitu dezakezu arrain-plater gozo hau ere: Bakailaoa baratxuri-muselinarekin.

Presta zaitez jaiak bukatzen direnerako, eta eman begiratu bat gure Gabonetako soberakinak aprobetxatzeko errezetei.