Ezagutu Gabon hauetarako gure Aperitibo-aukera zabala.

Gabonetako aperitiboetarako ideiak

2021ko azaroaren 15a

Gabonak bertan dira, eta, haiekin batera, baita senideen eta lagunen bisitak ere. Eta, jakina, ez dago ezer hoberik gure festak Gabonetako aperitibo ikusgarri, erakargarri eta prestatzen errazen inguruan ospatzea baino. Gure proposamenak ikusi nahi badituzu, jarraitu irakurtzen!

Gabonetako zer aperitibo ditu Mercadonak aurten?

Gaztak

  • Brie Trufa krema: Brie gaztarekin, Camembertekin eta Boilur-patearekin egina. Testura likidoko gazta krematsua, boilur-zaporekoa.
  • Tostado krema: gazta txigortuarekin egindako gazta-krema. Testura likidoko gazta krematsua.
  • Viejo Tostado gazta-zatia: behi-, ardi- eta ahuntz-esne pasteurizatuekin egindako gazta. Zapore gozoa eta testura ertain trinkoa. Ireki jan baino 15 minutu lehenago.
  • Papaia-mokadutxoak: papaiaz betetako gazta-bolatxo krematsuak.
  • Gazta-gutiziak: ananazko marmeladaz betetako bolatxo goxoak, eta piper-marmeladaz betetako piper-gutiziak.

Bazenekien gazta oso gustuko baduzu… turofiloa zarela?

Hitz horrek jatorri grekoa du: philos hitzak “zerbait maitatzea” esan nahi du, eta tyros, berriz, “gazta” da. Horren arabera, benetako turofilo batek edozein mota, zapore, usain eta testuratako gaztak maite ditu, eta gaztarekin zerikusia duen guztia... Termino horrekin identifikatzen zara?

Hala bada, Gabonetako aperitiboetan ezin zaizu falta askotariko gazten taula bat; esate batera, goian proposatu dizuguna.

Pateak

Pateei dagokienez, hau proposatzen dizugu:

  • Gibelezko Patea tipula karamelizatuarekin: ahate-gibelezko patea tipula karamelizatuarekin. Testura finekoa eta zabaltzekoa, ahatezko foie grasaren zapore bereizgarria du, eta tipula karamelizatuaren gozotasuna. Ogi kurruskariaren gainean jarrita jan daiteke, edo beste gauza batzuetarako erabili; adibidez, saltsak eta betegarriak egiteko. Edo lasagna, kaneloiak eta abar prestatzeko.

Produktua jan baino 15 minutu lehenago epeltzea gomendatzen dugu.

Behin irekita, hozkailuan gorde eta hurrengo 5 egunetan kontsumitu.

  • Boletus Basurde Patea: boletusa onddorik preziatuenetakoa da sukaldean, eta, gainera, ezin hobeto konbinatzen du basurdearekin, haragi mamitsua eta zapore gozoa duelako. Zapore eta testura aldetik oso pate orekatua da, gehiagorako gogoz uzten zaituzten horietakoa. Marmeladekin uztartzeko aproposa.

Kontsumitzeko moduak: ogi gainean zabalduta, ogi kurruskariaren oinarri gisa, enpanadillen eta kanapeen betegarri gisa. Saltsa original bat prestatu nahi baduzu, egizu hurrengoa: berotu kozinatzeko esne-gaina zartagin batean, eta gehitu Boletus basurde-patea. Nahastu biak, testura uniformea lortu arte.

Ba al dakizu nondik datorren Vol au vent hitza?

Historiak kontatzen duenez, XVIII. mendeko sukaldari frantses bati hostorea betetzea bururatu zitzaion. Hura labean azkar harrotu zenean, sukaldariak oihu egin omen zuen: “elle vole au vent !”; hots, “hegan ari da”.

Hostore horiek erabiliz, askotariko platerak egin daitezke, eta, osagai gutxi batzuekin, zapore guztiz desberdinak lortzen dira. Hona hemen erraz presta ditzakezun ideia batzuk:

  • Mini Vol au vent beteak: saltsa tartariarra eta izokin ketua.
  • Vol au vent beteak: ahate-konfita eta sagar errea.
  • Kurrusketa beteak: karramarroa, arrautza gogorra, hegaluzea eta maionesa.

Iberikoak

Urdaiazpikoak eta hestebeteek ere ezin dute hutsik egin Gabonetako aperitiboen artean. Erraz eta azkar prestatzen dira, eta, ardo on batekin zerbitzatuta, aperitibo izarretako bat dira aurrez prestatu gabeko bilkura guztietan; arrakasta ziurtatua dute, seguru.

Hestebeteen ebaketa urdaiazpikoen ebaketa bezain garrantzitsua da. Oso garrantzitsua da zerrarik gabeko ganibeta ondo zorroztua erabiltzea, xerra ez apurtzeko. Aholku bat: saiatu xerrak ahalik eta meheen mozten, eta diagonalean, itxura erakargarriagoa emateko.

Nola kontserbatu urdaiazpikoa lehortu gabe?

Gabonetan urdaiazpiko bat erosten duten horietakoa bazara, aukera ona da, zalantzarik gabe, txerri iberiko gizenduaren urdaiazpikoa. Baina kontuan izan ebakitzen jakitea bezain garrantzitsua dela lehortu gabe mantentzen jakitea. Berogailuek, hezetasunak eta beste ingurumen-faktore batzuek eragina izan dezakete, eta, horretarako, ezinbestekoa da jakitea zer egin dezakegun hondatu ez dadin.

Urdaiazpikoa fresko mantentzeko egokiena da urdaiazpikoari kentzen diogun urdaiarekin berarekin estaltzea. Urdaiak zuria izan behar du beti, ebakitakoa mindu ez dadin. Ebaki ahala, urdai-geruza berriak atera eta zaharrak ordezkatu egin behar dira.

Beste aukera bat da ebakitako urdaiazpikoa erostea; adibidez, gure txerri iberiko gizenduaren urdaiazpikoa, labanaz moztua. Ireki eta jateko prest dago. Urdaiazpikoa dastatzeko modu praktiko eta erraza da, beti bere zapore- eta heze-puntuan egongo da eta.

Bestalde, Hestebete Iberikoen taula plazer aparta da, eta zure gonbidatuek beti eskertuko dute.

Hona hemen gaztekin, pateekin eta iberikoekin uztartzeko proposamen batzuk:

  • Portillo Ardo Beltz Ondua, Errioxa JD, 12 hilabetez baino gehiagoz haritzezko upelean edukia. Errubiaren kolore gorrikoa, zaporetsua eta fruta-ñabardurez betea

Zefalopodoak eta Itsaskiak

Gabonetan, mahaian, ezinbestekoak dira itsaskiak ere. Aurten, gure Olagarro egosiak kalitate hobea du; egoste-puntu egokia lortzeaz gain, zapore, kolore eta usain onena baitu.

Kontsumitzeko modu hauek proposatzen dizkizugu:

  • Zartaginean: ireki ontzia. Bereizi olagarroaren garroak banan-banan eta zatitu burua zerrendatan. Jarri olio-txorrotadatxo bat zartaginean/plantxan, eta berotu su altuan. Zartagina berotzen denean, jarri garroak eta buruaren zerrendak eta jaitsi sua potentzia ertainera. Kozinatu garroak eta buru-zerrendak, bi aldeetatik gorritu arte (3 minutu inguru alde bakoitzetik). Gatzatu nahieran, eta bota olio-txorrotadatxo bat gainetik.
  • Mikrouhin-labean: kendu etiketa. Ireki ontzia eta jarri olagarroa mikrouhin-laberako egokia den ontzi batean. Berotu potentzia maximoan (800 W) adierazitako denboran, ontziaren pisua kontuan hartuta. Kendu ura.
    Errezeta bereziagoak: Portugalen ‘lagareiro’ erara prestatzen da, eta Galiziako erara edo olio eta ozpinarekin ere presta daiteke, Kanarietan egiten duten bezala. Beste aukera batzuk: salpikoia, txingarretan... Era askotan presta daiteke.

Mariskoa jateko bi aukera ditugu: jateko prest dauden itsaskiak erostea, hala nola otarrainxka egosiak, edo gordinik erosi eta etxean prestatzea, egosita edo plantxan erreta; esaterako, ganboia.

Aukera erraz eta moldagarri bat nahiago baduzu, izokin ketua da zure aliatua. Kanape gisa edo entsaladan, mila eratara presta daitekeen aukera arin eta gustagarri bat da.

Aperitibo-multzo honekin uztartzeko, ardo hau ezin hobea da:

  • Abadía Mantrús Rueda Verdejo ardoa
    Fruta-zapore freskoa, aho osoa betetzen duena.

Beste gomendio batzuk

Eta jai-egunetako otorduei amaiera emateko postre eder bat nahi izaten duten horietakoa bazara, Gabonetako postre tradizional hauek aukeratu ditzakezu, eta Gabonetako gozoen aukera onenaz lagundu.