Dastatu nahiko zenuke erremolatxa-gazpatxoa? Udan zopa hotza hartzeko gogoa egiten zaigunerako, horra hor gazpatxoa. Gainera, aldaera asko onartzen ditu; adibidez, erremolatxarekin egiten dena. Barazki horren zapore tipikoa du, eta kolore bizi eta bereizgarri hori.
Prestatzen erraza da, eta oso arina eta freskagarria. Apunta ezazu uda honetarako errezeta gogokoenen zerrendan!
Ikusi bideoan, pausoz pauso, nola prestatu erremolatxa-gazpatxoa
4 lagunentzako osagaiak:
- 450 g erremolatxa egosi
- 1 kg udare-tomate
- 2 baratxuri-ale
- ½ pepino
- ½ piper berde
- ¼ tipula
- 40 ml oliba-olio birjina
- 40 ml Xerezko ozpin
- 60 g gaztanbera
- Eskukada bat intxaur
- 10 g gatz
Pausoz pauso:
Prozesuari xehetasunez jarraitu nahi badiozu, hemen dituzu gazpatxo goxo hori prestatzeko azalpenak:
1. Ebaki tomatea zatitan
2. Txikitu tomateak irabiagailuan
3. Gehitu piperra zatitan
4. Gehitu pepinoa zurituta eta ebakita
5. Ondoren, tipula eta baratxuri-atalak
6. Eta, azkenik, erremolatxa zatitan moztua
7. Bota gatza, olioa eta ozpina
8. Xehatu dena
9. Zerbitzatu ontzi batean, eta jarri gainean gaztanbera eta intxaurrak.
Beste gomendio batzuk
Errezeta freskagarriak nahi badituzu, hona hemen beste proposamen bat: meloi-zopa hotza, limoi- eta mendafin-kubotxoekin.