Nahi duzu ikasi postre bikain batzuk prestatzen gure Cocolizze bonboiekin eta Hur-turroiarekin?

Errezeta batzuk proposatuko dizkizugu, postrearekin arrakasta izan dezazun. Jarraitu irakurtzen, eta ikusi zer ezaugarri dituzten produktu horiek eta nola prestatu.

Cocolizze bonboiak

Barkillo kurruskariko esferak, koko-kremaz eta almendra osoz beteak eta landare-estaldura zuriz eta koko arraspatuz bilduak.

Hur-turroia

Txokolate esnedunezko turroia,esne- eta hur-zapore bereizgarria duen kremaz betea. Barruan, testura kurruskaria sortzen duten galleta-zatiak aurkituko dituzu.

Cocolizze-zko errezetak

Cocolizze tarta

Bizkotxorako:

1. Berotu labea 175 graduan. Estali labeko paperez 15 cm-ko 3 molde.
2. Ontzi batean, nahasi katilu bat eta erdi gari-irin, ¾ katilukada almendra eho, 2 koilarakadatxo legamia eta gatz pixka bat.
3. Beste batean, irabiatu 170 g gurin eta katilukada bat eta erdi azukre, harrotu arte. Gehitu 3 arrautza, banan-banan. Eta, gero, banilla-adar bateko haziak.
4. Azken nahasketa horri pixkanaka gehitzen joan behar zaio irinaren nahastea, 190 ml esne ere tartean sartuta. Nahasi dena espatula batekin.
5. Bete moldeak, eta eduki 35 minutu inguru labean. Ikusten bada bizkotxoen goiko aldea oso azkar hasten dela gorritzen, estali zilarrezko paperez, erre ez daitezen. Utzi hozten, giro-tenperaturan.

Betegarrirako:

1. Zartagin batean, nahasi 190 ml koko-esne eta banilla-adar bateko haziak. Noizean behin nahasiz joan, irakiten hasi arte; orduan, kendu sutatik. Utzi pixka bat epeltzen.
2. Ontzi batean, irabiatu gainerako koko-esnea, arrautza baten gorringoa, 3 koilarakada azukre eta 2 koilarakada arto-irin fin. Gehitu pixkanaka koko-esnea.
3. Jarri nahasketa berriro zartaginean, eta egin su bizian, eragiteari utzi gabe, loditu eta irakiten hasi arte.
4. Iragazi nahasketa katilu batera, eta estali film-paperez, nahasketa ukitzen duela, gainean azalik egin ez dakion.
5. Hoztu giro-tenperaturan eta, ondoren, sartu hozkailura, gutxienez 2 orduz.

Estaldurarako:

1. Maria bainuan urtu tableta bat txokolate zuri, 50 ml harrotzeko esne-gainekin. Utzi hozten giro-tenperaturan.
2. Nahasketa hozten denean, irabiatu harrotu arte eta gehitu koilarakada bat esne. Irabiatu pixka bat gehiago, ongi nahasi eta harrotu arte.
3. Bizkotxo-geruzen artean, jarri betegarri pixka bat. Estali txokolate zuriz, eta apaindu Cocolizze bonboiekin eta almendra xerratuekin.

Cocolizze tiramisua

1. Irabiatu 4 gorringo eta 120 g azukre Maria bainuan, harro gelditu arte. Utzi hozten.
2. Hozten denean, gehitu 500 g mascarpone gazta eta 100 g koko arraspatu. Nahasi ongi.
3. Zatitu 12 Cocolizze bonboi. Gehitu nahasketari.
4. Nahasi 250 ml koko-esne eta banilla-adar bateko haziak.
5. Geruzaka tartekatuz joan bizkotxoa (400 g), koko-esnetan bustita, eta mascarpone-krema. Azken geruzak kremazkoa izan behar du. Utzi hozten hozkailuan, gutxienez 2 orduz.
6. Apaindu almendra xerratuarekin eta koko arraspatuarekin.

Hur-turroiz egindako errezetak

Hur-turroizko cheesecake-a

4 lagunentzako basotxoak:

1. Maria bainuan urtu 125 g txokolate esnedun, urtzekoa, eta utzi epeltzen.
2. Ontzi batean, nahasi 120 g mascarpone beste 120 g igurzteko gaztarekin eta 40 g azukrerekin. Pixkanaka-pixkanaka, gehitu txokolate urtua, eta gero 200 ml harrotzeko esne-gain. Utzi dena ongi nahasita. Azkenik, gehitu 100 g hur-turroi, zatituta, eta nahasi ondo espatula batekin.
3. Basotxoen hondoan, jarri txokolate-galleta birrinduen geruza bat, baso bakoitzean 4 hur txikituta eta gainean gazta-krema. Utzi hozten, gutxienez ordubete.
4. Zerbitzatu aurretik, apaindu hur-turroi zatitxo batekin eta hur xehatu gehiagorekin.

Hur-turroizko br​owniea

1. Berotu labea 180 °C-an, eta forratu 20 x 20 cm-ko molde karratu bat labeko paperarekin.
2. Urtu 50 g txokolate beltz, urtzekoa, 150 g gurinekin. Utzi pixka bat epeltzen.
3. Ontzi batean, nahasi 2 arrautza 220 g azukrerekin, apartsu gelditu arte. Gehitu pixkanaka txokolate urtua eta 150 g irin legamidun bahetua. Nahasi.
4. Azkenik, gehitu 150 g hur-turroi, zatituta, eta jarri nahasketa moldean. Egin labean 18-20 bat minutuz.
5. Utzi hozten erabat, eta apaindu beste 20 g txokolate esnedun eta 20 g txokolate zuri urturekin.

Beste gomendio batzuk

Gozogintza maite baduzu eta hortxata eta halako produktu freskagarriekin ideiak behar badituzu, hemen duzu gure Hortxata-bizkotxoaren errezeta.