Gabonetan, otorduak aukera paregabea izaten dira adiskideekin eta familiarekin une eta zapore bereziak partekatzeko. Mahai-inguruko tradizio horrek gure maitasun eta batasunaren ikur bilakatu ditu otorduak.
Jarraian, lau hasierako plater aurkezten dizkizugu, oso bizkor eta erraz egiteko modukoak; primerakoak dira elkarrekin partekatuz gozatzeko. Eta kontuan izan: erraz prestatzekoak bai, baina baita zapore eta presentzia bikainekoak ere. Ezinbestekoak aurtengo Gabon jaietarako.
4 pertsonarekin partekatzeko 4 errezeta, pausoz pauso
Vol au ventak tartarrarekin eta galeper-arrautzekin
Vol au ventak eskuragarri Gabonetako kanpainan
1. Ebaki fin-fin 2 exalotak, ozpinetako 4 luzokerrak eta tipulin apur bat.
2. Nahasi guztia 2 koilarakada oliba-oliorekin eta koilarakadatxo-erdi mostazarekin. Eman gatza eta piperra.
3. Ebaki 150 g txahal-azpizun karratu txikitan.
4. Gaineratu aurreko nahastea eta ongi nahasi.
5. Berotu vol au ventak labean 5 bat minutuz 180 ºC-ra.
6. Hoztu. Bete nahastearekin.
7. Amaitzeko, jarri plantxan egindako galeper-arrautza bat gainean. Berehala jatea gomendatzen da.
Foie freskoa marmeladarekin txigorkian
Foie freskoa eskuragarri Gabonetako kanpainan
1. Egin ahate-gibela alde bietatik zartagin oso bero batean, oliorik gabe, gorritu arte.
2. Ebaki beirazko ogia erditik, eta erdi bakoitza berriz ere bitan ebaki; 4 xerra izango dituzu hala.
3. Txigortu, eta jarri foie-puska bat xerra bakoitzaren gainean.
4. Xerra bakoitzaren gainean, jarri koilarakadatxo bat tomate-marmelada, gatz apur bat ezkatatan eta tipulatx-adartxo bat.
Izokinezko eta mascarponezko vol au ventak
Vol au ventak eskuragarri Gabonetako kanpainan
1. Nahasi 150 g mascarpone gatzarekin eta piperbeltzarekin, usain-belar xehatuekin (tipulina, albaka eta martorria) eta limoi-zuku apur batekin.
2. Jarri mascarpone-nahastea vol au venten barruan, eta gaineratu izokin ketuaren xerra txikiak edo karratutxoak.
3. Amaitzeko, apaindu arrautza harituarekin (eskuragarri Gabonetako kanpainan) eta limoi-azal arraspatu apur batekin.
Olagarro txingarreztatua hummusaren gainean
1. Gorritu olagarro-erroak plantxan edo zartagin batean. Ondoren, zatitu.
2. Zabaldu hummusa plater edo erretilu batean, eta jarri olagarro-zatiak gainean.
3. Hautseztatu piperrauts gozo apur bat eta gatz-ezkatak.
4. Bota turrusta eder bat oliba-olio.
Beste gomendio batzuk
Gabonetan, une gozo askoak partekatuko dituzu gure Turroi eta Bonboi aukera ikusgarriarekin.
Apuntatu Gabonetako soberakinak aprobetxatzeko 4 errezeta hauek.