AVISO DE COOKIES

Este sitio web utiliza cookies propias e de terceiros coa finalidade de facer que a súa navegación sexa segura, facer análise estatística das visitas á web, así como coñecer o seu comportamento. Se desexa máis información pode consultar a nosa POLÍTICA DE COOKIES. Pode aceptar o uso de cookies pulsando "ACEPTAR" ou Configurar/Rexeitar o seu uso pulsando pulsando "CONFIGURAR/REXEITAR".

Calquera época e momento do día é bo para saboreares esta salada de tomate, berenxena e mozzarella. Unha receita rápida e saborosa.

Salada de tomate, berenxena e mozzarella

18 de abril de 2018

As saladas son unha boa opción en calquera época do ano. Hai moitos xeitos de as elaborar, en Mercadona seleccionamos esta deliciosa salada de tomate, berenxena e mozzarella. Tamén incorpora outros alimentos como os piñóns, a eiruga ou as olivas negras. Unha receita saborosa que poderás degustar quer nos teus xantares quer nas túas ceas. Ao se consumir en frío, é apta para a gardares nun tupper e a levares ao traballo.

Con este vídeo verás o doado que é preparar esta salada de tomate, berenxena e mozzarella.

Ou segue o práctico e pormenorizado paso a paso para elaborares esta deliciosa salada.

Receita de salada de tomate, berenxena e mozzarella

Para catro persoas

Ingredientes:

  • 2 tomates maduros
  • 1 berenxena
  • 1 paquete de mozzarella
  • 25 gr. de tomates secos
  • 10 gr. de piñóns
  • 1 paquete de eiruga
  • 25 gr. de olivas negras
  • aceite de oliva, sal e pementa negra

1. Mestura os tomates secos nun bol con aceite, previamente picados, e mais os piñóns. Reserva o prebe.

Receta de ensalada tomate berenjena paso 1

2. Corta a mozarella en rodelas uniformes.

Receta de ensalada de tomate paso 2

3. Corta o tomate en rodelas uniformes

Receta de ensalada de tomate y berenjena Paso 4

4. Corta en rodelas a berenxena, sálgaas e déixaas repousar uns 20 minutos

Receta de ensalada tomate y berenjena paso 3

5. Limpa as rodelas da berenxena con auga (truco para a berenxena quedar máis tenra) e pásaas por unha tixola até colleren unha cor dourada.

Receta de ensalada de tomate y berenjena paso 5

6. Monta o prato intercalando as rodelas de tomate, berenxena e mozzarella e engade a eiruga por enriba.

Receta de ensalada de tomate y berenjena paso 6

7. Incorpora as olivas e mais o aceite cos tomates secos e cos piñóns. Salpimenta ao gusto e listo para servires.

Receta de ensalada de tomate y berenjena paso 7

Mercadona apoia a campaña "Fruta y Verdura de aquí y de ahora" do Ministerio de Agricultura y Pesca, Alimentación y Medio Ambiente que recomenda o consumo de froita e mais de vexetais de xeito regular xa que, pola súa calidade, sabor e variedade, fornecen de vitalidade o organismo.

Outras recomendacións

Acompaña a salada con esta receita de bacallau á rioxana ou co falafel con prebe tahina de Mercadona.