A cea de Halloween ten que ser divertida, deliciosa e terrorífica a partes iguais. Queres aprender a preparar catro receitas para unha noite sorprendente de risas arrepiantes? Vai ser inesquecible, pasarédelo xenial toda a familia e amigos.

Moi orixinais, apetitosas e fáciles de preparar, suxerímosche receitas salgadas e doces para que haxa variedade e poidades completar a vosa cea. Propostas para calzone, dipear, cremas e tortas. Atréveste con estas receitas?

Catro receitas para Halloween

Momia Calzone

• Nunha masa fresca para pizza, coloca o recheo no centro, deixando os laterais e a zona superior da masa libres.
• O recheo compoñerase de: 1 bote de tomate frito, 1 paquete de mozzarella, 1 bote de queixo ricotta e unhas tiras de salame.
• Nos laterais da masa que deixamos libres, fai uns cortes a modo de tiras.
• Cubre o recheo coas tiras que cortamos, como se fose unha vendaxe, con firmeza, pero sen premer. Decora a zona superior con tomate e rodas de oliva a modo de ollos.
• Quenta o forno á máxima potencia e déixao arredor de 20 minutos.

Cemiterio de nachos

• Nunha tixola, refoga 250 g de carne picada e bótalle sal e pementa.
• Engade 1 cullerada sopeira de allo en po e 7 u 8 liscos de jalapeños.
• Coloca ½ bolsa de nachos nunha bandexa para forno e estende a carne sazonada sobre estes.
• Incorpora 1 bote de salsa mexicana sobre a carne e os nachos e cubre con 1 bolsa de queixo relado.
• Pono a gratinar por espazo de 60 segundos.
• En canto saian, engade 1 bote de guacamole sobre eles e estende lixeiramente.
• En 2 tortillas de trigo, recorta diferentes formas: de lápida, árbore, etc.
• Méteas no forno ata que douren e, a continuación, decóraas segundo vos guste con colorante alimentario.
• Coloca todas as formas na superficie e... listo para dipear!

Crema de cabaza

• Nunha cazola pon 500 g de cabaza pelada, sen pebidas e en anaquiños, xunto con 1 pataca doce e 4 cenorias peladas, e en anacos.
• Engade 400 ml de auga ou de caldo de verduras e deixa ferver ata que estea cocido.
• Retira o caldo da cocción e tritura todo o conxunto xunto cun chorriño de aceite de oliva e un bo chorro de leite de coco. Incorpora a auga da cocción pouco a pouco ata conseguir a textura desexada (máis espesa ou máis lixeira) e axusta de sal.
• Sirve nun prato e decora cunha espiral de leite de coco, que romperemos cun escarvadentes de maneira que pareza unha tea de araña.

Torta de cabaza

Para preparar a marmelada caseira de cabaza

Paso a paso

1. Pela e quita as pebidas de 500 g cabaza para cortala en cadrados duns 5 cm.

2. Mestura a cabaza xunto a 150 g de azucre e 50 ml de auga e pon a ferver.

3. En canto ferva, tapa e baixa o lume.

4. Cociña a lume baixo uns 40 minutos, removendo constantemente, e comproba que a marmelada teña a textura desexada.

5. Se aínda segue moi líquida ou a cabaza non se desfixo de todo, síguea cociñando destapada.

6. Unha vez que a mestura sexa consistente, tritura co batedor ou co pasador de puré, ata que quede unha marmelada fina.

7. Esta mesma receita pódese seguir cambiando a auga polo zume dun limón ou o dunha laranxa, e pódese acentuar o toque cítrico incorporando a reladura do limón ou da laranxa antes de que comece a ferver.

8. A esta marmelada tamén lle senta moi ben un toque especiado. Pódese incorporar unha rama de canela ou unha de vainilla ao inicio da cocción que se retirarían antes de triturar. Unha roda de xenxibre tamén lle daría un toque refrescante. Ou unha culleradiña de anís, incluso unha cullerada de curry.

Para facer a torta

• Quenta o forno a 180º.
• Desenvolve a masa quebrada sobre o seu papel e pícaa por toda a superficie, con axuda dun garfo. Forra o molde de torta (duns 22cm de diámetro) coa masa quebrada e métea no forno durante 12 minutos. Reserva.
• Nun cunco tritura 300 g de cabaza cocida xunto con 80 g de azucre, 3 ovos, un chisco de sal, 1 culleradiña de canela, ½ de noz moscada, ½ de xenxibre e 200 ml de nata.
• Verte a mestura sobre a masa quebrada e métea no forno sobre 30 minutos, comprobando cun coitelo ou escarvadentes que ao sacalo sae limpo.
• Cubre a superficie con confeitura de cabaza. Decora con motivos de Halloween feitos con chocolate fundido nunha manga pasteleira.

Outras recomendacións

Como fin de festa, que che parece a nosa selección de larpeiradas e chocolates especial para Halloween?

Apetécenche estas Galletas de Halloween con forma de fantasma? Tamén che ensinamos a cociñalas.