No Nadal gústanos a cociña caseira cun toque de sofisticación. Por iso, suxerímosche esta receita de salmón culminado cun irresistible follado.

Dentro dese follado, o sabor inconfundible do salmón compleméntase coa frescura das espinacas e a cremosidade da salsa de queixo, un éxito seguro en calquera celebración. A súa presentación impecable fai o resto.

Sigue o paso a paso da nosa Receita de Salmón Wellington con espinacas e crema de queixo

Ingredientes

• 1 lombo de salmón (uns 500 g aprox.).
• 1 lámina de masa de follado.
• 200 g de espinacas.
• 125 g de crema de queixo suave.
• Aceite de oliva.
• 1 dente de allo.
• 1 ovo.
• Sal en escamas.
• Pementa negra.

Paso a paso

1. Nunha tixola, pon a dourar o allo pelado e picado moi fino. Despois, engade as espinacas, salpementa e refoga uns 3 minutos.

2. Engade o queixo, mestura e deixa arrefriar.

3. Estende a lámina de masa de follado e, sobre esta, coloca unha cama de espinacas e queixo, e enriba o salmón salpementado. Cerra a masa en forma de paquete e dálle a volta para que a parte das espinacas quede arriba.

4. Pinta con ovo batido e introduce no forno quentado previamente a 180 ºC. Deixarémolo ata que o follado estea feito, uns 30 minutos.

Consello do xefe: a mellor maneira de consumir este prato é a temperatura tibia, nin moi quente nin demasiado frío.

Outras recomendacións

Se che gusta este peixe, aprende a preparar a nosa receita de Quiche de salmón.

Outro delicioso prato de peixe que podes encontrar na nosa sección de Receitas é o Bacallau con muselina de allo.

Prepárate para despois das festas e bota unha ollada ás nosas Receitas de aproveitamento.