Unha das mellores formas de sacar proveito ao bacallau salgado é preparando esta tradicional receita de bacallau á rioxana. Os seus sinxelos e habituais ingredientes, así como o seu sabor, farán que non só sexa fácil de preparar, senón que lles guste aos teus comensais.

Sigue o vídeo paso a paso da Receita de Bacallau á rioxana

Ingredientes para 4 persoas:

• 4 lombos de bacallau desalgado.
• 2 cebolas grandes.
• 3 dentes de allo.
• 1 rebanda de pan tostado.
• 2 culleradas de tomate frito.
• 5 pementos chouriceiros.
• 425 ml de auga.
• Fariña para fritos.
• Sal.
• Aceite de oliva.

Paso a paso:

Se che gusta seguir as receitas paso a paso, deixámosche a continuación a elaboración completa do bacallau á rioxana:

1. Poñer os pementos chouriceiros a remollo en auga durante unha hora, aproximadamente.

2. Cortar a cebola á xuliana e o allo en finas láminas.

3. Deixar escorrer os pementos, sacar toda a carne e reservar.

4. Poñer aceite de oliva nunha cazola a lume medio e refogar nel as cebolas cortadas en anacos. Cando se poñan transparentes, botar os dentes de allo.

5. Agregar a carne dos pementos.

6. Botar o pan esmigallado. Agregar as dúas culleradas sopeiras de tomate frito. Darlle unhas voltas e engadir unha pouca auga e sal. Deixar cocer a salsa a lume lento durante uns 20 minutos.

7. Mentres tanto, lavar e secar ben o bacallau.

8. Enfariñar os lombos de bacallau e, logo, marcar as talladas un minuto polos dous lados nunha tixola cun pouco aceite de oliva.

9. Pasar a salsa polo pasador de puré de forma que caia na cazola.

10. Colocar os lombos de bacallau na cazola e deixar cocer entre 10 e 15 minutos dependendo do grosor do peixe. Ter coidado de que quede no seu punto e non cocelo demasiado.

11. Rectificar de sal se é necesario e servir ben quente. Pódese decorar con pementos asados e cunha ramiña de ceboliño. E servir ben quente!

Como desalgar o bacallau

Antes de preparar esta receita de bacallau á rioxana, debes desalgar o bacallau salgado que temos para ti en Mercadona.

Aprende a desalgalo con estes sinxelos pasos:

1. Cortar a peza segundo as racións que se vaian cociñar.

2. Lavar en auga fría para eliminar o sal da súa superficie.

3. Colocar nun recipiente, coa pel cara a arriba, e engadir tres partes de auga por cada unha de peixe.

4. Colocar o recipiente no frigorífico durante, polo menos, 48 horas, cambiando a auga unhas seis veces en todo o proceso.

5. Sacar da auga unhas catro horas antes de consumilo, para que estea o máis esponxoso posible. Secar cun trapo limpo se é preciso.

Outras recomendacións

Outra das nosas recomendacións é a publicación sobre Peixe de Mercadona onde explicamos a súa variedade, o seu prezo e a súa máxima frescura.