A Pa de cordeiro é un dos pratos emblemáticos do Nadal. Esta carne vermella é moi apreciada polo seu sabor excepcional e a súa carne tenra e zumarenta, que se presta ás máis variadas preparacións culinarias.

En Mercadona ofrecémosche diversas opcións para compartir unha suculenta Pa de cordeiro cos teus. Dende receitas tradicionais que requiren bastante dedicación na cociña ata opcións de pratos por encargo e outras alternativas para aqueles que non queren investir tanto tempo, pero tamén buscan a máxima calidade. Todas elas capaces de satisfacer os padais máis esixentes.

Este produto estrela non pode faltar na túa mesa do Nadal. Cal elixes?

Como podes consumir a Pa de cordeiro en Mercadona?

Pa de cordeiro

Podémola encontrar tanto fresca como conxelada (o tempo de desconxelación é de entre 24 e 36 horas). Ben cociñada, será a alma dunha receita moi típica do Nadal que evoca a calidez e a alegría das festas.

Suxerímosche dúas receitas imbatibles: Pa de cordeiro asada con salsa de trufas.

Receita de Pa de cordeiro asada con salsa de trufas

Ingredientes

• 1 pa de cordeiro.
• 25 g de trufa.
• 1 cebola.
• 50 g de manteiga.
• Ceboliño.
• Aceite de oliva.
• Media copa de brandy.
• Auga.
• Pementa.
• Sal.

Paso a paso

• Salpementa a pa e aderézaa en aceite.
• Métea no forno 90 minutos a 180 ºC.
• Pon un pouco aceite nunha tixola e a metade da manteiga.
• Rustre a cebola moi picada.
• Engade a trufa picada, un pouco sal e o brandy.
• Reduce o alcohol.
• Engade o zume do cordeiro e a manteiga restante.
• Reduce segundo vos guste.
• Sirve coa salsa por enriba.
• Decora co ceboliño.

Pa de año leitón asada en Listo para Comer

Dispoñible na Campaña de Nadal

Esta peza de carne distínguese polo seu sabor e a súa textura tenra e suave, xunto á súa pel dourada e crocante que é o resultado dun coidadoso proceso de cociñado.

A pa maríñase cunha combinación de ingredientes que realzan o seu sabor. Entre eles o limón, o sal, o romeu e o tomiño.

Acompañada de patacas panadeira e ceboliñas confeitadas, a pa de año leitón convértese nun imprescindible na nosa mesa de Nadal.

Pa de cordeiro asada con salsa, no lineal de pratos preparados (en tendas onde non hai Listo para Comer)

Dispoñible na Campaña de Nadal

Unha preparación moi fácil e rápida, que terás lista en apenas uns minutos. Ademais, leva a súa salsa, polo que só terías que preparar unha gornición se o desexas.

Modo de preparación

1. Quenta o forno previamente a 180 ºC.

2. Saca a pa do seu envase e colócaa nun recipiente apto para forno. Quita o protector do óso da pa.

3. Quenta no forno 15 minutos a 180 ºC.

4. Verte a salsa por enriba e mete no forno 5 minutos máis.

Outras recomendacións

Suxerímosche outra Receita de Pa de cordeiro con patacas ao romeu.

Encontra inspiración para os teus menús do Nadal na nosa sección de receitas.

Que tal uns Bombóns para compartir na agradable sobremesa do Nadal?