Sabes que melloramos a nosa selección de pasta integral? Elevamos ao máximo a súa calidade, utilizamos sémola 100 % integral para ofrecerche a mellor textura e un sabor suave que conserva toda a autenticidade da pasta integral.

A pasta integral é unha opción perfecta para todos, especialmente para aqueles que buscan un maior contido en fibra; isto contribúe a unha dixestión saudable e a manter estables os niveis de azucre no sangue.

Elaborada con sémola de trigo integral, a nosa pasta conserva todas as partes do gran, incluído o xerme e o farelo, o que lle confire unha cor máis escura.

Ademais, a pasta integral destaca pola súa textura máis firme, que a fai ideal para diversas preparacións culinarias. A continuación, suxerímosche unhas deliciosas receitas. Anímaste a preparalas?

Catro receitas con pasta integral (para dúas persoas)

Espaguetes con carbonara de cogomelos

1. Pon abundante auga salgada a ferver. En canto ferva, engade 200 g de espaguetes e cociña durante 7 minutos (remataremos de facer a pasta na tixola).

2. Refoga 150 g de mestura intensa de cogomelos nunha tixola con aceite. Salpementa e cociña ata que solte a maioría da súa auga.

3. Coa os espaguetes e engádeos á tixola dos cogomelos; remove para mesturar os sabores e remata a cocción da pasta.

4. Nun recipiente, bate 1 ovo enteiro e 1 xema, engade 50 g de grana padano acabado de relar e abundante pementa negra moída. Engade un cazo da auga de cocción dos espaguetes e mestura.

5. Engade a mestura de ovo á pasta con cogomelos e remove na tixola, sempre a lume moi baixo e sen deixar de mesturar. Débese conseguir unha salsa con textura cremosa pero non callada de todo.

6. Sirve no prato cunha volta de pementa negra moída e grana padano esparexido.

Penne (macarróns) con pesto de aguacate e tomates cereixa asados

1. Lava 150 g de tomates cereixa e bótaos nun recipiente apto para o forno. Salpementa, engade 4 culleradas de aceite de oliva e 2 de vinagre balsámico de Módena e mete no forno a 200 ºC durante 20 minutos ou ata que os tomates comecen a abrir.

2. Coce 200 g de macarróns en abundante auga salgada entre 11 e 13 minutos.

3. Nun procesador de alimentos ou nun vaso batedor, engade ¾ dun aguacate, uns 15 g de alfábega, medio allo, o zume de 1 limón, 2 culleradas de aceite de oliva, 10 g de espinacas e un pouco queixo grana padano. Tritura e salpementa.

4. Mestura ben a pasta coa salsa de aguacate e incorpora os tomates cereixa asados.

5. Sirve nos pratos cun chisco de eiruga e decora cun fío do aceite e do vinagre de asar os tomates, un chisco de grana padano relado e a reladura do limón.

6. Pódense tomar tanto acabados de facer coma fríos.

Consomé de polo con corallini

Nota: non temos dispoñible a pasta corallini en Canarias.

1. Mestura 50 g de sal e 30 g de azucre nun recipiente ou nunha fonte e abre uns oquiños para encaixar as xemas.

2. Separa ben a clara da xema de 2 ovos e engade estas últimas á mestura de sal e azucre. Cubre con delicadeza.

3. Déixaas curar arredor de 1 hora e media a temperatura ambiente. Destapa e lava en auga. Reserva.

4. Pon 300 ml de caldo de polo a ferver. Engade 50 g de corallini e cociña uns 5 minutos.

5. Sirve a sopa en dous pratos fondos e engade enseguida as xemas.

6. Esparexe un chisco de ceboliño acabado de picar antes de comer.

Corallini “tres delicias”

Outra opción ideal e innovadora coa nosa pasta corallini é esta versión do arroz tres delicias. Fácil, saborosa e orixinal, deixámosche o paso a paso:

1. Pon abundante auga salgada a ferver. En canto ferva, engade 200 g de corallini e cociña entre 5 e 6 minutos.

2. Mentres, prepara unha tortilla francesa que, unha vez cociñada, cortarás en anaquiños. Reserva.

3. Na mesma tixola, bota un pouco aceite máis e refoga os chícharos durante uns 7 minutos.

4. Engade a pasta cocida á tixola e mestura ben cos ingredientes xa refogados.

5. Adereza con sal e pementa segundo vos guste, mestura unha última vez e sirve quente.

6. Por último, incorpora o pavo ou xamón cocido en tacos e remata cun pouco ceboliño picado.

Outras recomendacións

Se buscas opcións de Pasta sen glute, ofrecémosche unha rica variedade.

Coñeces os produtos de Mercadona que podes preparar coa túa frixideira de aire?