Inclúes claras de ovo na túa alimentación? Sabes que utilidade teñen? Imos afondar un pouco sobre as diferentes posibilidades que che ofrecen as nosas Claras de ovo de galiña pasteurizadas e, despois, descubriremos as receitas máis deliciosas que se poden preparar con este rico ingrediente.

Usos máis habituais das claras de ovo

Á parte de ser un produto moi recomendado para as persoas que coidan a súa alimentación, destacan dous usos principais:

• Utilízanse moito para preparar sobremesas, facer punto de neve, merengues, tortas, tortiñas americanas, biscoitos, etc.
• Tamén destaca o seu consumo por parte dos deportistas para combinar o exercicio físico coa alimentación, xa que é un produto con baixo contido en graxas.

Botellas de claras de ovo en dous tamaños diferentes

No noso lineal encontrarás o mesmo produto en dous tamaños diferentes, en función do uso e consumo que queiras darlle:

• 300 ml. Corresponde a 9 claras de ovo que adoitan escoller persoas que fan un consumo menor do produto.
• 1 litro. Corresponde a 30 claras de ovo. Este tamaño é moi utilizado polos deportistas, xa que o seu consumo é elevado (8 ou 9 claras ao día), sobre todo en tortiñas ou tortillas de atún, etc.

Un medidor de claras na etiqueta do envase

Para que poidas controlar cantas claras de ovo estás utilizando, esta botella leva no lateral do envase un medidor moi útil e práctico.

Catro deliciosas receitas con claras de ovo

Tras os excesos do Nadal, convén coidar un pouco a alimentación. Por iso, ofrecémosche unhas receitas variadas que podes preparar con este ingrediente e integralas na túa dieta:

Batido de claras de ovo con froitos vermellos

Unha receita enfocada para deportistas:

• Bate 50 g de arandos (poden ser conxelados) e 50 g de amoras con 200 g de kéfir e ata 7 claras de ovo.
• Despois, engade uns poucos flocos de trigo ata lograr a textura desexada.
• Edulcora a mestura ao teu gusto

Tortilla de queixo, tomate, cebola e coandro

• Bate 8 claras de ovo con 100 g de queixo fresco (burrata ou ricotta) e pon a punto de sal.
• Quenta unha tixola mediana cun pouco aceite.
• Bota na tixola 60 g de cebola en anacos pequenos.
• Cando colla cor engade 7-8 tomates cereixa en metades, refoga tan só uns segundos e incorpora a mestura das claras co queixo e o coandro, segundo che guste, moi picado.
• Deixa que callen segundo o gusto as claras e serve esparexendo un pouco coandro que reservamos.

Filloa de avea con aguacate, salmón ao natural e eiruga

Ingredientes para 8 filloas:

• Preparamos as filloas: co batedor mesturamos ata 6 claras con 100 g de avea moída, 160 ml de bebida vexetal e un chisco de sal.
• Logo, fritimos na tixola moi quente cunha gotiña de aceite: con caciño poñemos a cantidade que queiramos para que nos saia máis ou menos fina.
• Unha vez feita énchese co que queiramos, neste caso o salmón acompañado de láminas de aguacate, eiruga e herba dos cóengos adubados cunhas gotiñas de aceite e sal.

Flan de claras con cacao e anacardios

• Dilúe 1 barra de cacao en ½ litro de leche quente. Deixa arrefriar ata que quede morna. Bate 4 claras e engade unha ramiña de vainilla. Logo, mestura co cacao derretido.
• A continuación, éncheos coa mestura do cacao coas claras.
• Pon os flaneiros ao baño maría nun recipiente que introduciremos no forno, quentado previamente a 160 graos, uns 45 minutos. Saca, tempera e desenmolda.
• Decora con anacardios e mel segundo o gusto.

Outras recomendacións

Na nosa sección de Receitas encontrarás moitas propostas para unha alimentación equilibrada e variada e tamén para preparar sobremesas riquísimos. Bótalle unha ollada!