Duela 24 urtetik hona, Mercadona komunitate zeliakoarekin konprometituta dago, eta egunero lan egiten du glutenik gabeko produktu-aukera zabala eskaintzeko glutenarekiko intolerantziak edo elikagai-alergiak dituzten “Nagusiei”(bezeroei), egunero menu desberdinak aukeratu ahal izan ditzaten. Gainera, enpresak bat egiten du Zeliakoaren Nazioarteko Egunarekin, gaixotasun hori ikusarazteko.

Gaur egun, Mercadonak glutenik gabeko 1.533 produktu baino gehiago eskaintzen ditu, Hacendado markakoak. Produktu horiek egokiak dira zeliakoentzat, eta erraz identifikatzen dira, glutenik gabeko logotipoari esker. Horretarako, 200 hornitzaile espezialista baino gehiago ditu, glutenik gabeko aukera hori hobetzen eta zabaltzen ahalegintzen direnak, kalitatea, elikagaien segurtasuna eta nutrizio-osaera bermatuz.

Bideoa gaztelaniaz

Ordezkaritza duten elkarteekin lankidetzan aritzea eta prestakuntza-ekintzetan parte hartzea

Mercadonarentzat, kolektibo horiek ordezkatzen dituzten erakundeen eginkizuna funtsezkoa da, eta haiekin lankidetzan aritzeak kontsumitzaile zeliakoen beharrak hobeto ezagutzen eta kontuan hartzen laguntzen dio.

Horregatik, enpresak nazio-mailako hainbat erakunderekin lan egiten du, hala nola Espainiako Zeliakoen Elkarteen Federazioarekin (FACE), Kataluniako Zeliakoen Elkartearekin (SMAP), Zeliakoen eta Glutenarekiko Sentikorren Elkartearekin (ACSG) eta Elikagaiei eta Latexari Alergia dieten Pertsonen Espainiako Elkartearekin (AEPNAA).

Era berean, Mercadonak prestakuntza- eta informazio-ekintzetan parte hartzen du, hala nola:

• Ipuinen eta giden edizioa.
• Elkarteek antolatutako baterako berrikuntzako saioak, prestakuntza-tailerrak eta jardunaldiak.
• Sukaldaritza-tailerrak merkatuetan.
• Sukaldaritza-programak.
• Web-orri batzuekin lankidetzan aritzen da (ACECALE), gidak, ipuinak eta beste prestakuntza-material batzuk lantzen.
• Glutenik gabeko hileroko menuak egiten ditu (SMAP).

Mercadona duela 20 urte baino gehiagotik dago konprometituta komunitate zeliakoarekin.