Mercadona supermerkatu fisikoen eta onlineko salmentako konpainiak, produktu freskoen eta hurbilekoen alde egiten duenez, 2020an atun argiaren 40.000 tona solomo baino gehiago erosteko aurreikuspena egin du, iaz baino % 5 inguru gehiago, 38.000 tona izan baitziren 2019an.

Konpainiak Espainian dituen dendak (1.600 baino gehiago) hornitzen dituen Hacendado kontserbako atunaren % 100 modu arduratsuan kudeatutako kaletatik dator, etengabeko lanari esker eta Escurís (Jealsa-Rianxeira) Totaler Hornitzailearen eta International Seafood Sustainability Foundation (ISSF) koalizioaren arteko lankidetzari esker. Zientzialarien, atun-industriako kideen eta Naturarentzako Mundu Fondoaren (WWF) arteko koalizioa da ISSF, eta munduko atun-stocken jasangarritasuna hobetzea du helburu, zenbait jardueraren bidez, hala nola produktuaren trazabilitate osoa eta ontzietako kapitainek jasangarritasuneko jardunbide egokien gaineko prestakuntza jasotzea. Escurís (Jealsa-Rianxeira) urtero ikuskatzen da, MRAG auditoriaren bidez, ISSFk sustatzen dituen kontserbazio-neurri guztiekin duen konpromisoa egiaztatzeko.

Arrantza jasangarriko politikak

Mercadona aspalditik ari da bere hornitzaile espezialistekin batera lanean arrantza-produktuen jasangarritasuna bermatzeko "Nagusi"ei (bezeroak). Horretarako, Arrantzako Produktuak Erosteko Politika du. Politika horren helburua da erauzketa-arrantzatik eta bezeroei eskaintzen dizkien akuikulturatik datozen produktuen jasangarritasuna hobetzea. Mercadonaren eta arrantza- eta akuikultura-hornitzaile guztien konpromisoaren ondorioz, elkarrekin lanean ari dira legea, indarrean dauden ordenamenduaren neurriak eta jatorritik saltokirainoko trazabilitatea betetzen direla bermatzeko.

Espainiako produktuekiko konpromisoa

2019an, 19.970 milioi euro baino gehiagoren erosketak egin zituen Mercadonak Espainian. Konpainiak lehen sektorearekin dituen akordio komertzialei esker, Mercadonak 9.500 nekazari, 12.000 arrantzale eta 6.700 abeltzainekin lan egiten du. Gainera, Nekazaritza, Arrantza eta Elikadura Ministerioak arlo horretan izandako zenbait ekimenen alde egiten du.

Era berean, Mercadonak bidezko merkataritza-jardunbideak defendatzen ditu, eta urteak dira Merkataritzako Jardunbide Egokien Kodearekin bat egin zuela elikadura-kontratazioaren alorrean. Borondatezko akordio hori beste urrats bat da bidezko merkataritza-jardunbideak sustatzeko; akordioa Elikadura-katearen Funtzionamendua Hobetzeko Neurrien Legearen esparruan biltzen da, eta Nekazaritza, Arrantza eta Elikadura Ministerioak (MAPA) sustatua da, Espainiako nekazaritzako elikagaien elkarte batzuekin eta besteekin lankidetzan.

Hacendado atuna salgai Mercadonako supermerkatuetan.

Hacendado atun argia oliba oliotan, Escurís Totaler Hornitzailearen instalazioetan (Jealsa-Rianxeira) prestatzen.