- Konpainiak sendotu egin du Cuencako probintziako zenbait erakunde sozialekin duen lankidetza —adibidez, Cuencako Gurutze Gorriarekin eta Cáritasekin—, eta premiazko elikagaiak eta produktuak eman dizkie, hala nola esnea, landare-kontserbak, lekaleak, kakaoa, azukrea, pasta, norberaren higienerako produktuak eta etxea garbitzeko produktuak.
- Mercadonak sendotu egin ditu elikagai-dohaintzak COVID-19 gaitzak eragin duen egoera berezian, bizi dugun egoera biziki konplexu honek sortutako beharrei erantzuteko.
- Konpainiak, orain arte, 87 tona baino gehiago eman dizkie produktu eta elikagaitan Gaztela-Mantxako zenbait erakunde soziali.
- 2019an, konpainiak 250 tona premiazko elikagai eman zituen Gaztela-Mantxan.
Mercadona supermerkatu fisikoen eta onlineko salmentako konpainiak bere Eredu Arduratsua sendotu du COVID-19 gaitzak eraginda herrialdeak bizi duen egoera berezian. Hala, erkidegoko erakunde sozialekiko dohaintza-prozesua sendotu du, eta neurri berriak ezarri ditu pertsonen segurtasuna nahiz erakunde horien hornidura bermatzeko.
Iván Díaz Cuencako probintziako Mercadonaren Kanpo Harremanetarako zuzendariak hau nabarmendu du: “Konpainiak, behar handiena duten kolektiboen ondoan egoteko konpromiso irmoan, bere Eredu Arduratsua indartu du, eta elkarlanean jardun du Gaztela-Mantxako elikagai-bankuekin eta erakunde sozialekin —2019an, 250 tona elikagai eman zituen Gaztela-Mantxan—. Bizi dugun egoera berezi hau oso aldakorra da, eta bizkorrak izan behar dugu gure erabaki eta planteamenduetan, helburu bakar bat izanik: egin behar den guztia egitea bizi dugun egoera bereziki konplexu honetan pertsona ahulenen beharrei erantzuteko”.
Patricia Cazorla Cuencako Cáritasen idazkari nagusiak honela eskertu du Mercadonaren dohaintza: "Cuencako Cáritasek bihotz-bihotzez eskertu nahi dio Mercadonari garai latz hauetan izan duen sentikortasuna eta hainbat produktu eman izana, eragin zuzena izango baitute familia ahulenekin egiten dihardugun lanean".
Pedro Roca Cuencako Gurutze Gorriaren probintziako lehendakariak ere eskertu du konpainiaren dohaintza: "Eskerrak eman nahi dizkiogu Mercadonari Gurutze Gorriak Erantzun planean parte hartzeagatik; izan ere, haren dohaintzari esker COVID-19ak erasan dien probintziako familia gehiagorengana iristeko aukera izango dugu. Plan horren helburua pandemiaren eraginei aurre egitea izan da abiotik, eta, haren bidez, 5.000 esku-hartze baino gehiago egin ditugu eta 3.000 laguni baino gehiagori lagundu diegu orain arte".
Gizarte-ekintza jasangarriko politika, Mercadonaren enpresa-erantzukizun sozialean integratua
Mercadonak, gizartetik jasotzen duenaren zati bat gizartearekin partekatzeko konpromisoaren barruan, aipatutako Erantzukizun Sozialeko Plana garatu du, zeinak hainbat jarduera-ildo jasangarriren bidez jorratzen baititu konpainiaren alderdi soziala eta etikoa, hazkunde partekatuaren aldeko jardunaren sendogarri guztiak ere. Politika horren testuinguruan, Mercadonak Espainiako eta Portugalgo 260 jantoki soziali baino gehiagori, 60 elikagai-bankuri baino gehiagori eta gizarte-ekintzako beste zenbait erakunderi ere laguntzen die, elikagaiak emanez edo elikagaiak jasotzeko antolatzen dituzten kanpainetan parte hartuz.
2020an, orain arte, 5.212 tona elikagai banatu ditu guztira konpainiak erakunde horien artean; 5.002 Espainian, eta 210 Portugalen. Kantitate horiek handituz joan dira martxoaren 26tik, COVID-19 gaitzak konpainiaren prozesuetan eragindako etenaren ondoren, konpainiak erabaki zuenetik berriro aktibatzea enpresak lagundu ohi dituen jantoki sozialei eta elikagai-bankuei premiazko produktuak emateko prozesuak.
Halaber, bere dendak trencadisezko muralekin apaintzeko, 32 fundazio eta okupazio-zentrorekin lankidetzan jarduten da Mercadona. Askotariko desgaitasunak dituzten mila lagunek baino gehiagok egiten dituzte mural horiek.
Ingurumen-jasangarritasuna da Mercadonaren Erantzukizun Sozialeko Planaren beste ildo estrategiko bat. Ingurumena Kudeatzeko Sistema propio bat du, hiru helburu dituena: logistika hobetzea, energia-efizientzia areagotzea eta hondakin gutxiago sortzea. Sistema horren parte batek ekonomia zirkularra du inspirazio-iturri, eta hau du xede: hondakinak berriz ere baliabide bilakatzea, Totaler Hornitzaileekin elkarlanean jardunez. Gainera, lanean ari da Hiri Banaketa Jasangarriaren Proiektua garatzen eta gure hirietako airearen kalitatea hobetzen, kamioi eta furgonetak higiarazteko teknologia garbiagoak eta eraginkorragoak erabiliz.
2009az geroztik, Jasangarritasunerako Banaketaren Europako Foroko (REAP) partaide da Mercadona. Hainbatean behin, erakunde horretako kide guztien jardueraren jasangarritasunaren kanpo-ikuskapenak egin ohi dira. Europako Batzordea ere erakundeko lehendakaritzako kide da. Bestalde, Nazio Batuen Mundu Hitzarmeneko bazkide da 2011. urtetik; hitzarmen horrek giza eskubideen, lan-arauen, ingurumenaren eta iruzurraren aurkako borrokaren oinarrizko balioak jasotzen ditu.
Mercadonaren elikagai-entrega Cuencako Gurutze Gorriari.
Mercadonaren elikagai-entrega Cuencako Cáritasi.
