Txakurkumeen bizitzako lehen hilabeteak funtsezkoak dira behar bezala hazteko eta garatzeko. Etapa horretan, txakurkumeek kaloria-gastu handia dute, energia behar baitute hazteko eta organo eta aldaketa fisiologiko guztiak behar bezala garatzeko. Horregatik, oso garrantzitsua da behar dituzten nutrizio-premia guztiak betetzen dituen dieta espezifiko eta orekatu batekin elikatzea.
Gainera, osasun-egoera onenean egoteko, txakurkume bakoitzak, arrazaren arabera, elikadura-behar jakin batzuk ditu. Txakurkumeentzako Compy Supreme pentsua etxe-animalien nutrizioan aditu direnek formulatu dute, elikagaia arraza txikietako eta arraza ertain-handietako txakurkumeen premietara egokitzeko.
Nola elikatu zure txakurkumea
Gomendagarria da egiaztatzea txakurkumea behar bezala hazten ari dela, janari gehiegi eman gabe, obesitate-arazoak saihesteko.
Ez da komeni dieta beste elikagai batzuekin osatzea, etapa horretan behar dituen mantenugai guztiak emateko formulatuta baitago txakurkumeentzako Compy Supreme pentsua.
Arraza txikiko (1 kg-etik 10 kg-ra bitarteko pisua, heldutan) txakurkume baten hazkuntza-etapak 9. hilabetera arte irauten du. Arraza ertainetako (10 kg-tik 25 kg-ra bitarteko pisua, heldutan) eta handietako (25 kg-tik 60 kg-ra bitarteko pisua, heldutan) txakurkumeetan, aldiz, 12. eta 15. hilabetera arte irauten du hazkuntza-etapak, hurrenez hurren.
Gainera, ernaldiaren bigarren etapan dauden eta kumeak edoskitzen ari diren emeentzat ere egokia da Compy Supreme Junior pentsua.
Nola laguntzen dio Compy Supremek zure txakurkumeari. Osagaiak
- % 65 animalia-jatorriko osagaiak.
- Koloratzailerik, kontserbagarririk, aroma artifizialik eta azukre erantsirik gabeak.
- Zerealik gabea.
- Osagai naturalak.
Zerealik gabeko dieta, oilasko fresko ugarikoa, fruta eta barazki oso nutritiboekin. Lehen osagaia oilasko freskoa da (% 26): proteina-iturri oso digerierraza eta zaporetsua da, eta muskulu-masa mantentzen laguntzen du.
Basoko frutak (ahabi gorriak, ahabi urdinak, masusta, mugurdia eta andere-mahatsa) eta barazkiak (ilarrak, ziazerba, kalabaza eta azenarioa) ditu: bitaminen, mineralen eta antioxidatzaile naturalen iturri dira, eta immunitate-sistema indartzen laguntzen dute.
Arrain-olioa (DHAren iturri) eta hegazti-koipea (omega 6ren iturri), azala eta ilea osasungarri edukitzeko.
Yucca Schidigera, gorozkien eta gernuaren usaina murrizten laguntzeko.
Immunitate-errefortzua: Legamia-hormak ditu, MOSen eta β-glukanoen iturri; hesteetan jarduten dute, eta txakurkumearen defentsa naturalak, hain garrantzitsuak bizitzako lehen fase horietan, indartzen laguntzen dute.
Txakurkumea elikatzean, haren bizitzaren hasierako etapa honetan, garrantzitsuena da kalitateko berariazko pentsu bat erabiltzea, haren beharrak asetzeko eta dietan aparteko onurak emateko. Halakoa da arraza txiki, ertain eta handietako txakurkumeentzako Compy Supreme pentsua. Horrela, zure maskota zoriontsu eta osasuntsu haztea lortuko duzu!