Urte-amaierako jaietan, Gabonetako mahaia izaten da gure bilera eta ospakizunen ardatza. Funtsezkoa da dekorazioa zaintzea, giro goxoa eta atsegina sortzen laguntzen baitu, une berezi horiek gure maiteekin partekatzeko.
Gabonetako mahai idealak dotorezia eta praktikotasuna batzen ditu. Funtzionala izan behar du, bai gonbidatuentzat, bai zerorrentzat, eta, era berean, erraz prestatzeko modukoa, batez ere inprobisatutako kasuetan eta jaiegun nagusietan.
Pentsatu duzu nola apaindu nahi duzun mahaia aurtengo Gabon-jaietan? Hementxe topatuko duzu Gabonetako etxeko tresnen gure bilduma: mahai-zapiak, ezpain-zapiak, platerak, edalontziak, azpilak eta abar. Elementu horiekin, bikain asko prestatuko duzu mahaia, batere konplikaziorik gabe. Deskubritu nahi duzu gure gama osoa? Jarraitu irakurtzen!
Zenbait diseinu Gabonetako mahaia apaintzeko
Aukeratzen duzun konbinazioaren arabera, emaitza arras desberdinak lortuko dituzu. Erreparatu etxeko tresnei buruz aurten prestatu ditugun proposamenei, kolore eta diseinu oso desberdinak baitituzte. Ideia horiekin, jai-giro atsegina eta goxoa sortzen lagundu nahi dizugu, egundoko arrakasta izan dezazun aurtengo Gabon-jaietako ospakizunetan.
Mahai-zapi gorria
Gorria izaten da nagusi Gabon-jaietan. Horrexegatik aukeratu dugu diseinu hau: oihal-testura duen mahai-zapi gorria, argi-ukitu txikiekin, zilar-azpil eta -katiluekin, eta edalontzi distiradunekin. Poinsettia plateren eta ezpain-zapien kolore-ukituak orekatu egiten du multzo kromatikoa, eta horri esker lortzen den soiltasuna aukera bikaina da Gabonetako mahaia apaintzeko.
Mahai-zapi gorriak urre-koloreko bilbe bat du alde batean, eta itzulgarria da. Hala, aukeran izango duzu urre-ukitu hori bistaratu ala ez, egokieraren arabera.
Poinsettia mahai-zapia
Gabonetarako giro argitsuagoa eta erabatekoa nahi baduzu, Pazko lorea buru dela, eta zuri-gorriei pisu handiagoa emanda, hauxe da zure diseinua. Oihal-testura duen mahai-zapiko motibo berdeak ederki asko daude konpentsatuta azpilen eta postreko plateren zilar-ukituarekin eta edalontzien distirarekin. Aurkezpenak ospatzeko gonbita egiten du.
Edalontziak eta kopak berrerabilgarriak dira, eta ontzi-garbigailuan garbitu daitezke, Gabon-jaietako edozein ospakizunetan aprobetxatzeko.
Giro atseginagoa sortzeko tipak
Aukeratu duzu zeurea? Giro are atseginagoa nahi baduzu, erabili kandela usaindunak, goxotasuna gehitzeko. Hautatu gehien atsegin dituzun kolorea eta aroma: Chai, Basafruituak, Banilla...
Ezpain-zapiek joko estetiko handia ematen dute, eta jantzi egiten dute Gabonetako mahaia. Hona hemen zenbait ideia, ezpain-zapiak modu apaingarrian tolesteko.
Haurrentzako mahaiaren proposamena
Etxeko txikiei asko gustatzen zaizkie Gabonak, bai eta ospakizunetan partaide sentitzea ere. Horregatik, bereziki haientzat diseinatutako mahaia ere gustatuko zaie.
Paperezko mahai-zapi berdea proposatzen dizugu, Poinsettia lorearen diseinua duten plater eta ezpain-zapiekin, zilar-katiluekin eta edalontzi distiradun berrerabilgarriekin.
Beste gomendio batzuk
Ikasi Gabonetako otorduetan soberan geratu denarekin kozinatzen soberakinak aprobetxatzeko errezeta hauekin.
Gida hau ere ederki etorriko zaizu hozkailua eta izozkailua garbitzeko eta antolatzeko eta etxetresna elektriko horiek denboraldi berrirako puntu-puntuan uzteko.
Bazkalostean koktel batzuekin animatzen bazarete, hona hemen gomendio gourmet batzuk.