Badakizu gure osoko pastaren aukera hobetu dugula? Kalitatea gorenera igo dugu: % 100 ale osoko semola erabili dugu, testurarik onena eta osoko pastaren benetakotasun guztia gordetzen duen zapore leuna eskaintzeko.

Osoko pasta aukera ezin hobea da guztiontzat, batez ere zuntz-eduki handiagoa bilatzen dutenentzat, digestio osasungarria eta odoleko azukre-mailak egonkor mantentzen laguntzen baitu.

Gari-ale osokoaren semolaz egina dago gure pasta, alearen zati guztiak gordetzen baititu, baita galorratza eta zahia ere; zahiak kolore ilunagoa ematen dio.

Horretaz gain, osoko pastak testura sendoa du ezaugarri, eta horregatik ezin hobea da sukaldaritzako zenbait prestakinetarako. Jarraian, errezeta gozo-gozo batzuk iradokiko dizkizugu. Animatzen zara prestatzen?

Osoko pasta duten lau errezeta (bi pertsonarentzat)

Espagetiak perretxiko-karbonararekin

1. Jarri irakiten ur ugari gatzarekin. Irakiten hasten denean, gehitu 200 g espageti, eta kozinatu 7 minutuz (zartaginean amaituko dugu pasta egiten).

2. Salteatu 150 g zapore biziko perretxiko-mix, olioa duen zartagin batean. Egin gatza eta piperra, eta kozinatu ur gehiena askatu arte.

3. Xukatu espagetiak; gehitu perretxikoak dauden zartaginera, eta eragin zaporeak nahasteko; amaitu pasta egosten.

4. Katilu batean, irabiatu arrautza oso bat eta gorringo bat, eta gehitu 50 g padano arraspatu berri eta piperbeltz beltz eho ugari. Gehitu burruntzali bat espagetiak egosi direneko ur, eta nahasi.

5. Gehitu arrautza-nahasketa pasta eta perretxikoen nahasketari, eta eragin zartaginean, beti su oso baxuan, eta nahasteari utzi gabe. Saltsak testura krematsua baina ez guztiz gatzatua izatea lortu behar da.

6. Platerean zerbitzatu, eta bota gainean piperbeltz beltz eho pixka bat eta grana padano gazta.

Penne pasta ahuakate-pesto eta cherry tomate erreekin

1. Garbitu 150 g cherry tomate, eta jarri laberako egokia den ontzi batean. Egin gatza eta piperra; gehitu 4 koilarakada oliba-olio eta 2 koilarakada Modena ozpin baltsamiko, eta kozinatu labean 200 ºC-an, 20 minutuz edo tomateak irekitzen hasi arte.

2. Egosi 200 g penne pasta ur gazi ugaritan, 11-13 minutuz.

3. Elikagai-prozesadore batean edo edalontzi-irabiagailu batean, gehitu ahuakate baten ¾, 15 g albaka, baratxuri-erdi bat, limoi baten zukua, 2 koilarakada oliba-olio, 10 g ziazerba eta padano grana pixka bat. Birrindu, eta eman gatza eta piperra.

4. Nahasi ondo pasta ahuakate-saltsarekin, eta gehitu cherry tomate laberatuak.

5. Platerean zerbitzatu errukula pixka batekin, eta apaindu tomateak erretzen erabilitako olioaren eta ozpinaren hari batekin, grana padano arraspatu pixka batekin eta limoiaren azal arraspatuarekin.

6. Egin berritan zein hotz jan daiteke.

Oilasko-kontsomea coralliniekin

Oharra: Kanarietan ez ditugu salgai coralliniak.

1. Nahasi 50 g gatz eta 30 g azukre katilu batean, eta egin hutsune txiki batzuk gorringoak jartzeko.

2. Bereizi ondo 2 arrautzaren zuringoa eta gorringoa, eta gehitu gorringoak gatz- eta azukre-nahasketari. Estali leunki.

3. Utzi ontzen ordu eta erdi inguru giro-tenperaturan. Desestali, eta urez garbitu. Gorde geroko.

4. Berotu 300 ml oilasko-salda, irakin arte. Gehitu 50 g corallini, eta kozinatu 5 bat minutuz.

5. Zerbitzatu zopa bi plater sakonetan, eta gehitu jarraian gorringoak.

6. Jan aurretik, hautseztatu tipulin moztu berriarekin.

Hiru gutiziako corallini pasta

Gure corallini pastarekin egiteko beste aukera ezin hobe eta berritzaile bat: hiru gutiziako arrozaren bertsio hau. Erraza, zaporetsua eta originala; hona hemen pausoz pauso:

1. Jarri irakiten ur ugari gatzarekin. Irakiten hasten denean, gehitu 200 g corallini pasta, eta kozinatu 5-6 minutuz.

2. Bitartean, egin tortilla frantses bat, eta moztu zati txikitan. Gorde geroko.

3. Zartagin berean, gehitu olio pixka bat, eta salteatu ilarrak 7 minutuz.

4. Gehitu egositako pasta zartaginean, eta nahasi ondo salteatutako osagaiekin.

5. Gatzpipertu nahierara; nahasi beste behin, eta zerbitzatu bero.

6. Azkenik, gehitu indioilar edo urdaiazpiko egosia kubotan moztuta, eta, amaitzeko, tipulin txikitu pixka bat.

Beste gomendio batzuk

Glutenik gabeko pastaren aukerak bilatzen badituzu, barietate aberatsa eskaintzen dizugu.

Ezagutzen al dituzu aire-frijigailuarekin presta ditzakezun Mercadonako produktuak?