Uda honetan, beroari aurre egiteko, plater fresko, arin eta udatiarrak prestatuko ditugu, mediterraneoko sukaldaritzaren laguntzaz. Hori dela eta, pasta-entsalada goxo hau proposatzen dizugu. Mozzarella, cherry tomatea, kalabazina eta artoa ditu, konbinazio ezin goxoagoan, eta oso erraz prestatzen da. Animatzen?
Ikusi, pausoz pauso, Pasta-entsaladaren errezeta
4 lagunentzako osagaiak:
- 400 g barazkidun tximeleta-pasta
- 150 g mozzarella-perla
- 1 lata arto gozo
- 1 azpil cherry tomate
- Kalabazin-erdia
- Oliba-olioa
- Modenako ozpin baltsamikoa
- Gatz-ezkatak
- Piperbeltz beltza
- Oreganoa
- Albaka
Pausoz pauso:
1. Ipini ura irakiten (asko). Irakiten hasitakoan, bota pasta eta gatz pixka bat.
2. 9 minutuz egosi, al dente egon arte (hozteko, ez jarri ur hotzeko txorrotaren azpian).
3. Cherry tomateak erditik ebaki.
4. Kalabazin-erdia xerra oso meheetan ebaki (carpaccio eran).
5. Osatu entsalada osagai guztiekin: pasta, mozzarella-perlak, cherry tomateak, artoa eta kalabazina.
6. Ontzeko, bota oliba-olioa, ozpin baltsamikoaren tanta batzuk, gatz pixka bat, piperbeltz beltza, albaka lehorra eta oregano lehorra.
Beste gomendio batzuk
Beste errezeta fresko eta udatiar bat: ikasi nola prestatzen den Arroz-entsalada piperrekin.