Limoi-tarta (edo lemon pie) inoiz modaz pasatzen ez den postrea da. Klasiko bat da, gozoa eta freskagarria. Aukera bikaina zure Gabonetako bazkari eta afariak amaitzeko.
Errezeta honetan, limoiaren azidotasunak eta freskotasunak kremaren leuntasunarekin kontrastatzen dute. Eta hori guztia ahoan desegiten den hostore hautsizko oinarri baten gainean. Aurkezteko unean, merengearen urre-ukituak jai- eta dotoretasun-kutsua areagotzen du. Txundituta utziko dituzu gonbidatuak!
Jarraitu pausoz pauso Limoi-tarta prestatzeko gure errezetari
4 lagunentzako osagaiak
- 400 ml ur.
- 60 g arto-irin fin.
- 60 g gurin.
- 3 limoi.
- 4 arrautza.
- 420 g azukre.
- 1 hostore hautsi.
Pausoz pauso
1. Jarri hostore hautsia tartak egiteko molde batean, fabrikatzailearen jarraibideen arabera. Egin labean eta geroko gorde.
2. Ontzi batean, nahasi 220 g azukre arto-irin finarekin. Bota ura eta ondo irabiatu, irina disolbatu arte. Berotu, irakin gabe. Gorde.
3. Irabiatu gorringoak katilu batean, eta isuri haien gainera aurreko nahastea, emeki eta irabiatzeari utzi gabe.
4. Pasatu berriro ontzira nahaste berria.
5. Jarri ontzia sutan, eta eragiten jarraitu irakin arte eta kremaren sendotasuna lortu arte. Kendu sutatik.
6. Gehitu limoien zukua eta, eragiteari utzi gabe, gehitu gurin-zatiak banan-banan; zati bat integratu ahala hurrengoa botatzen joan.
7. Isuri limoi-krema dagoeneko labean egindako hostore hautsizko oinarriaren gainean. Estali film gardenarekin, ez dadin lehortu azala. Utzi hozten giro-tenperaturan.
8. Jarri zuringoak katilu batean eta, haga batzuekin, hasi harrotzen. Gaineratu gutxika beste 200 g azukre, eta ondo integratu.
9. Estali tarta merengearekin, eta gorritu gozogintzako soplete batekin edo labean.
Chefaren Sekretua: Tarta zerbitzatu aurreko unean harrotu eta gorritu denbora gutxian zuringoak, itxura tenteagoa izango baitu hala.
Beste gomendio batzuk
Jai hauetan, zure trebezia erakuts dezakezu beste postre gozo batzuekin ere. Besteak beste, errezeta hauek presta ditzakezu Cocolizze bonboiekin.
Zure Gabonetako menuetarako plater nagusi konpleto baten bila bazabiltza, probatu Masailak Porto erara prestatzeko errezeta hau.
Lortu aroma gozo eta atsegina etxerako gure Makilatxo difusoreekin.