Ezagutu espeziaz ondutako gure Azalore-apurren moldakortasuna eta zapore zoragarria. Badakizu errezeta ugari presta ditzakezula haiekin? Horregatik, komeni da beti eskura izatea, izozkailuan. Apurrak perrexil xehatua, tipula, gatza eta baratxuriarekin prestatuta datoz, edozein unetan gozatzeko.

Gure azalore-apurrak oso erraz prestatzen dira, eta ezin hobeak dira hornigai gisa edo osagai nagusi gisa, errezeta ugaritan. Osagarri gisa erabiltzen badituzu, edo plater landuagoetan, apurrak beti dira aukera osasungarri eta zaporetsu bat etxeko guztientzat.

Jarraitu azalore-apurrekin eginiko gure errezetei pausoz pauso

Azalore-bolognesa

Osagaiak:

• 650 g azalore-apur.
• 250 g barrengorri.
• 1 tipula.
• 3 baratxuri-ale.
• 1 pipermin.
• 3 koilarakada tomate kontzentratu.
• 300 g Tortiglioni.
• 40 g Grana Padano gazta.

Prestatzeko modua:

1. Moztu barrengorriak zati oso txikitan.

2. Txikitu tipula zati txikitan, eta moztu baratxuri-aleak xerratan.

3. Kozinatu tipula zartaginean olio pixka batekin, gorritu arte. Ondoren, gehitu baratxuriak eta pipermina, eta sueztitu minutu batzuez.

4. Erantsi barrengorriak eta, jarraian, azalore-apurrak. Ondu gatzarekin eta piperbeltzarekin. Kozinatu zenbait minutuz.

5. Erantsi tomatea nahasketari, eragin eta kozinatu beste 2 minutuz.

6. Bitartean, prestatu pasta fabrikatzailearen argibideei jarraituta.

7. Xukatu pasta eta gorde egosteko uraren bi burruntzali.

8. Erantsi pasta zartagineko bolognesari, eta gehitu gazta parmesanoaren erdia eta gordetako egosteko ura.

9. Atera platerera eta bota gainetik gainerako gazta parmesanoa.

Azalore-panakota

Osagaiak:

• 250 g azalore-apur.
• 250 ml esne.
• 150 ml kozinatzeko esne-gain.
• 3 gelatina-orri.
• 12 ganba zuritu.
• ½ limoi.
• 1 koilarakadatxo kabiarraren ordezko.
• Gatz-ezkatak.

Prestatzeko modua:

1. Irakin azalore-apurrak, esnea eta esne-gaina su oso baxuan 20 edo 30 minutuz. Oso poliki irakin behar du.

2. Birrindu azalore-apurrak, esnea eta esnegaina, aldez aurretik ur hotzetan beratutako gelatinarekin batera. Ondu nahi adina gatz eta piperbeltzekin.

3. Bota nahasketaren zati bat plater sakon batean eta utzi hozten solidotu dadin.

4. Moztu ganba gordinak zatitan eta ondu gatzarekin eta limoi-tanta batzuekin.

5. Jarri ganbak azalore-apurren panakotaren gainean, osatu kabiarraren ordezkoaren koilarakadatxo batekin eta gatz-ezkatekin.

Azalore-smasha

Osagaiak:

• 450 g azalore-apur.
• 50 g gurin.
• 200 ml esne.
• Intxaur muskatu pixka bat.
• 6 ganba zuritu.
• 1 baratxuri-ale.
• 1 pipermin.

Prestatzeko modua:

1. Irakin azalore-apurrak esnetan eta erantsi ura estali arte. Egosi 2 minutu inguru. Oso samur egon behar du.

2. Iragazi azalore-apurrak eta gorde likidoa; gero, erantsi gurina, gatza, piperbeltza eta intxaur muskatua. Birrindu sardexka batekin pure lodi bat lortu arte. Beharrezkoa bada, gordetako likido pixka bat erantsi eta bota gainerakoa.

3. Salteatu ganbak oliba-olio pixka batean eta gehitu baratxuria, gatza eta pipermina.

4. Zerbitzatu ganbak azalore-purearen gainean, eta isuri ganben zuku guztia purearen gainetik.

Azalore xehatuzko tako mexikarrak

Osagaiak:

• 300 g azalore-apur.
• Kumino pixka bat.
• Koilaratxokada bat piperrauts gozo.
• 2 tipula gorri.
• ½ kikara sagar-ozpin.
• 1 koilarakada azukre
• 1 ahuakate.
• 1 pakete gari-talotxo txiki.
• Martorria, nahi adina.
• 1 lima.

Prestatzeko modua:

1. Bota oliba-olio pixka bat zartagin handi batean, eta berotu su ertain-altuan.

2. Gehitu azalore-apurrak pixkanaka, ur gehiegi aska ez dezan. Salteatu karamelizatzen hasi arte.

4. Kolore pixka bat duenean, kendu sutatik eta ondu gatz, piperbeltz, kumino eta piperrautsarekin.

5. Moztu tipula gorria juliana finean, jarri katilu batean eta erreserbatu.

6. Irakin ozpina ur-kantitate berarekin, gatz pixka batekin eta azukrearekin. Bota nahasketa tipularen gainean eta gorde hozkailuan gutxienez ordubetez.

7. Berotu gari-talotxo txikiak zartagin batean bi aldeetatik, eta gero gehitu azalorea, ahuakatea xerratan, pepino txikiak eta tipula eta ondu limarekin eta martorriarekin.

Beste gomendio batzuk

Zure izozkailuan nahitaez izan behar dituzun beste baliabide batzuk gure Barazki izoztuak dira: piperra, perrexila, tipula eta baratxuri zatitua.

Azalorearekin prestatzeko ideia gehiago nahi badituzu, begiratu gure azalore- eta brokoli-errezetei eta sukaldeko trikimailuei.

Ezagutzen duzu Anhel tomatea? Dasta ezazu haren zapore bizi, gozo eta orekatua, garraztasun oso apalekoa.